{"id":5098,"date":"2013-12-24T07:07:39","date_gmt":"2013-12-24T06:07:39","guid":{"rendered":"http:\/\/www.logoroe.ch\/?p=5098"},"modified":"2016-12-11T23:33:31","modified_gmt":"2016-12-11T22:33:31","slug":"es-wiehnachtsfaescht-wies-no-nie-eis-geh-haet","status":"publish","type":"post","link":"https:\/\/www.logoroe.ch\/?p=5098","title":{"rendered":"Es Wiehnachtsf\u00e4scht, wie\u2019s no nie eis geh h\u00e4t!"},"content":{"rendered":"

\"\"<\/a>I wish you a merry Christmas! Cliff und H\u00e4nger, die l\u00e4ngste Geschichte, die die Logor\u00f6 je erlebt hat, findet heute ihr Ende. Nat\u00fcrlich wie es sich geh\u00f6rt mit einem gewaltigen Fest! Weihnachtsschmuck an den Baum und hinein ins letzte Kapitel!
\n<\/p>\n

 <\/p>\n

\n

Previously on Cliff und H\u00e4nger:<\/strong><\/span><\/p>\n

Es isch gschafft! Eusi Helde h\u00e4nd d’Prinz\u00e4ssin vo Loretanie ch\u00f6ne befreie! Us wellne Gr\u00fcnde au immer, h\u00e4t die nachher ihre Entf\u00fcehrer, d\u00e4 Herzog vo M\u00f6hretal gh\u00fcrate und es grosses F\u00e4scht gfiiret. D\u00e4 Cliff h\u00e4t vo ihre en Bluemestruus \u00fcbercho und sich grad amene Dorn vo einere Blueme gstoche. Uf das abe isch ihm tr\u00fcmmlig worde.<\/span><\/p><\/blockquote>\n

Kapitel 24
\nEs Wiehnachtsf\u00e4scht,
\nwie\u2019s no nie eis geh h\u00e4t!<\/h3>\n

V\u00f6llig verwirrt isch d\u00e4 Cliff wieder vor sinere Huust\u00fcr gstande. Sin Duume h\u00e4t bl\u00fcetet, am Bode isch \u00e4 wundersch\u00f6ni Rose gl\u00e4ge.<\/p>\n

Kein Gumpi! Kein Herr Igel! Keis K\u00f6nigriich Loretanie! Au kein Herzog vo M\u00f6hretal!<\/p>\n

Er isch zrugg i d\u2019Stube gange, wo d\u00e4 H\u00e4nger uf em Sofa gschlafe h\u00e4t. D\u00e4 Fernseh isch gloffe.<\/p>\n

Han ich das alles nume tr\u00e4umt, h\u00e4t er sich gfr\u00f6get. Das cha doch n\u00f6d si! Eso es spannends Abent\u00fc\u00fcr han ich i mim ganze L\u00e4be no nie erl\u00e4bt! Und jetzt s\u00f6ll alles verbi si? Nur en Traum?<\/p>\n

Truurig h\u00e4t er sich n\u00e4bed d\u00e4 H\u00e4nger is Sofa gheie lah.<\/p>\n

Da h\u00e4t\u2019s a d\u00e4 T\u00fcr gl\u00fc\u00fctet.<\/p>\n

V\u00f6llig durenander vo allem h\u00e4t sich d\u00e4 Cliff n\u00f6d getraut, d’T\u00fcr uf\u2019z\u2019mache. Er isch eifach sitze blibe und es h\u00e4t es zweits Mal gl\u00fc\u00fctet.<\/p>\n

\u201eWotsch n\u00f6d d\u2019T\u00fcr ufmache?\u201c h\u00e4t d\u00e4 H\u00e4nger verschlafe n\u00e4bed ihm gfr\u00f6get.<\/p>\n

Em Cliff isch en Stei vom Herz gfalle. \u201eDu chasch immer no red\u00e4, H\u00e4nger?\u201c<\/p>\n

\u201eNat\u00fcrlich\u201c, h\u00e4t d\u00e4 H\u00e4nger gseit. \u201eAber gah du jetzt \u00e4ndlich go luege, wer bi eus l\u00fc\u00fctet!\u201c<\/p>\n

D\u00e4 Cliff isch zur T\u00fcr gr\u00e4nnt und h\u00e4t \u00e4 riesigi \u00dcberraschig erl\u00e4bt.<\/p>\n

Vor d\u00e4 T\u00fcr sind sie alli gsi! D\u00e4 Herr Igel! D\u00e4 K\u00f6nig Lolo! S\u2019Prinz\u00e4ssli Lea, Arm in Arm mit em Herzog vo M\u00f6hretal! D\u2019Giggeli-Zwerge! D\u2019Muulw\u00fcrf, wo als erschts grad gfr\u00f6get h\u00e4nd, \u00f6b\u2019s am Chrischtbaum Schl\u00e4ckst\u00e4ngel hebi! S\u2019redend\u00e4 Trampolin mit d\u00e4 dr\u00fc K\u00e4nguruhs! D\u2019Meerjungfrau, wo inere gf\u00fcllte Badwanne vo Hunderte vo Summerv\u00f6gel zoge worde isch! Und nat\u00fcrlich d\u00e4 Gumpi, wo no immer es goldig glitzernds Horn uf d\u00e4 Stirn treit h\u00e4t.<\/p>\n

D\u00e4 Cliff h\u00e4t alli ineb\u00e4te und sie h\u00e4nd es Wiehnachtsf\u00e4scht gfiiret, wie\u2019s no nie eis geh h\u00e4t!<\/p>\n

Als erschts isch d\u00e4 Papa Muulwurf nat\u00fcrlich – P\u00e4ff! – in Chrischtbaum inegloffe und h\u00e4t en umgr\u00fcehrt. D’Chrischtbaumchugle sind allne nume so um d\u2019Ohre gfloge!<\/p>\n

Sie h\u00e4nd alles wieder ufgstellt und d\u2019Prinz\u00e4ssin Lea h\u00e4t vo ihrere Hochziitsreis nach Stockholm verzellt. Es seg wundersch\u00f6n gsi und d\u00e4 Herzog vo M\u00f6hretal seg mittlerwiil w\u00fcrkli scho ganz en liebe worde.<\/p>\n

D\u00e4 Herzog s\u00e4lber h\u00e4t i d\u00e4 Stube vom Cliff es Glasch\u00e4fig entdeckt. Det ine sind ganz viel winzig chliini H\u00e4sli umegh\u00fcpft und d\u00e4 Herzog hetti ch\u00f6ne schw\u00f6re, dass das sini ehemalige H\u00e4slipirate gsi sind. Aber so chlii?<\/p>\n

D\u2019Giggeli-Zwerge h\u00e4nd d\u00e4 Fernseh igstellt und sich grad kaputt glacht \u00fcber das, was sie det ine gseh h\u00e4nd. Sie h\u00e4nd immer wieder uf en andere Sender gw\u00e4chslet, aber \u00fcberall isch nur Bl\u00f6dsinn cho!<\/p>\n

I eim Film isch \u00e4 Frau mit emene Gartezwerg i d\u00e4 W\u00e4lt umenander greist und h\u00e4t F\u00f6teli vom Zwerg als Poschtcharte hei gschickt. D\u2019Giggeli-Zwerge h\u00e4nd sich fascht n\u00fcm ch\u00f6ne erhole vor luuter Lache.<\/p>\n

D\u00e4 Herr Igel h\u00e4t d\u00e4 Familie Muulwurf es P\u00e4ckli gsch\u00e4nkt mit vier feine Schl\u00e4ckst\u00e4ngel drin und d\u2019Meerjungfrau isch go dusche und vier Stund n\u00fcm unter d\u00e4 Duschi f\u00fcre cho.<\/p>\n

\"Christbaum\"Sie h\u00e4nd gschw\u00e4tzt und glacht, bis es ganz spaht worde isch. D\u00e4nn isch em Cliff \u00f6ppis in Sinn cho.<\/p>\n

\u201eH\u00e4nd ihr eigentlich min sch\u00f6ne Stern uf em Baum obe scho gseh?\u201c h\u00e4t er i d\u2019Rundi gfr\u00f6get.<\/p>\n

\u201eNei\u201c, h\u00e4nd die andere gseit. \u201eEs h\u00e4t n\u00e4mlich au gar kein Stern uf em Baum, min Liebe.\u201c<\/p>\n

D\u00e4 Cliff h\u00e4t d\u00e4 Baum aglueget. Und w\u00fcrklich! Sin herrliche Stern isch weg gsi! A sinere Stell isch en chliine Brief gsi und d\u00e4 h\u00e4t d\u00e4 Cliff jetzt allne vorgl\u00e4se.<\/p>\n

D\u00e4 Stern isch weg!<\/strong><\/span>
\n Hurra! Hurra!<\/strong><\/span>
\n Mir h\u00e4nd \u00e4 grossi<\/strong><\/span>
\n Freud da dra.<\/strong><\/span><\/p>\n

Wenn ihr wieder w\u00e4nd<\/strong><\/span>
\n unter ihm singe,<\/strong><\/span>
\n m\u00fcend ihr eus
\n1 Million N\u00fcssli bringe!<\/strong><\/span><\/p>\n

Wer mir sind?<\/strong><\/span>
\n Mir w\u00e4nd\u2019s verrate!<\/strong><\/span>
\n Mir sind d\u2019Bandi
\n<\/strong><\/span>vo d\u00e4 Eichh\u00f6rnlipirate!<\/strong><\/span><\/p>\n

Sapperlott! Gaht das scho wieder wiiter!<\/p>\n

Aber um das k\u00fcmmere ich mich s\u2019n\u00e4chscht Jahr, h\u00e4t d\u00e4 Cliff d\u00e4nkt und d\u00e4 Brief uf d\u2019Siite gleit.<\/p>\n

Und sie h\u00e4nd all z\u00e4me, au ohni Stern uf em Baum, die pr\u00e4chtigschte Wiehnachte gfiiret, wo mer sich nur cha vorstelle.<\/p>\n

\"Weihnachtsstern\"<\/p>\n

Mir w\u00fcnsched allne\u00a0ganz sch\u00f6ni Wiehnachte!<\/span><\/strong>
\nJasmin und Staromat<\/span><\/strong><\/p>\n

\"Jasmin<\/p>\n

Verantwortlich f\u00fcr d’Zeichnige<\/strong><\/span><\/p>\n

D\u2019Jasmin isch 6i\u00a0und gaht in zweite Chindsgi.\u00a0Ihres Hobby w\u00e4r Riite, wenn sie es R\u00f6ssli hetti.\u00a0Sie tuet gern baschtle, zeichne und ihrem Vater uf d\u00e4 Nase ume tanze.<\/p>\n

Verantwortlich f\u00fcr d’Buechstabe<\/strong><\/span><\/p>\n

D\u00e4 Staromat isch \u00e4lter als 6i und gaht ines B\u00fcro go schaffe. Sis Hobby w\u00e4r Gitarre spiele, wenn er Talent hetti. Er tuet gern schriebe, Vermicelles \u00e4sse und sini Chind verw\u00f6hne.<\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n