{"id":5096,"date":"2013-12-23T10:15:55","date_gmt":"2013-12-23T09:15:55","guid":{"rendered":"http:\/\/www.logoroe.ch\/?p=5096"},"modified":"2016-12-11T23:33:42","modified_gmt":"2016-12-11T22:33:42","slug":"ae-unerwarteti-waendi","status":"publish","type":"post","link":"https:\/\/www.logoroe.ch\/?p=5096","title":{"rendered":"\u00c4 unerwarteti W\u00e4ndi"},"content":{"rendered":"

\"\"<\/a>Es ist soweit! Der grosse Endkampf mit dem Herzog von M\u00f6hretal steht bevor! Werden unsere Freunde die Prinzessin befreien k\u00f6nnen? Eins steht fest: Der Ausgang des heutigen Kapitels d\u00fcrfte wohl niemand so erwartet haben (including me; das Storyboard von Kapitel 23 stammt von der Zeichnerin!).
\n<\/p>\n

\n

Previously on Cliff und H\u00e4nger:<\/strong><\/span><\/p>\n

Nach enere\u00e4 furchtbar lange Reis sind d\u00e4 Cliff, d\u00e4 H\u00e4nger, d\u00e4 Herr Igel und d\u00e4 Gumpi bi d\u00e4 Burg vom Herzog vo M\u00f6hretal acho. Mit enere Lischt h\u00e4nd sie all H\u00e4slipirate gschrumpft und imene Sack ine gfange. Jetzt staht ihne nume no d\u00e4 Herzog s\u00e4lber im Weg, bevor sie d’Prinz\u00e4ssin Lea \u00e4ndlich ch\u00f6nd befreie!<\/span><\/p><\/blockquote>\n

Kapitel 23
\n\u00c4 unerwarteti W\u00e4ndi<\/h3>\n

D\u00e4 Herzog vo M\u00f6hretal h\u00e4t sich zmitzt vor eusne Fr\u00fcnde ufgstellt und h\u00e4t sie ganz b\u00f6s aglueget. Was h\u00e4t d\u00e4 eint au f\u00fcr en zabblende Sack i d\u00e4 Hand, h\u00e4t er sich gfr\u00f6get. Und was w\u00e4nd die vier Gl\u00fcnggis \u00fcberhaupt?<\/p>\n

\u201eMir ch\u00f6med go d\u2019Prinz\u00e4ssin Lea befreie!\u201c h\u00e4t d\u00e4 Cliff muetig gseit.<\/p>\n

D\u00e4 Herzog vo M\u00f6hretal h\u00e4t luut agfange lache. \u201eD\u2019Prinz\u00e4ssin Lea befreie! Ha! D\u00e4 isch guet! Ihr und welli Armee bitte sch\u00f6n?\u201c<\/p>\n

Er h\u00e4t guet umeglueget und gseh, dass d\u00e4 Cliff, d\u00e4 H\u00e4nger, d\u00e4 Herr Igel und d\u00e4 Gumpi w\u00fcrklich nur z\u2019vierte vor ihm gstande sind.<\/p>\n

\u201eGeg\u00e4 mini H\u00e4slipirate h\u00e4nd ihr kei Chance!\u201c h\u00e4t er glachet und dr\u00fc Mal luut pfiffe.<\/p>\n

N\u00fct isch passiert. D\u00e4 Herzog h\u00e4t nomal pfiffe, doch au das h\u00e4t n\u00fct bracht.<\/p>\n

\u201eHeilige Strohsack! Wo sind d\u00e4nn au die bl\u00f6de Hase ane?\u201c h\u00e4t er sich ufgregt.<\/p>\n

D\u00e4 Cliff h\u00e4t sin Sack ufe ghebet. I dem ine h\u00e4t\u2019s wiiterhin fescht zabblet und mer h\u00e4t es Hasegjammer gh\u00f6rt, dass es eim d’Ohre weh tah h\u00e4nd.<\/p>\n

Jetzt h\u00e4t d\u00e4 Herzog begriffe, dass d’H\u00e4slipirate weggschrumpft worde sind und dass er besiegt gsi isch. Sie h\u00e4nd ihn gfesslet und sind schn\u00e4ll zum Turm ufe go d\u2019Prinz\u00e4ssin befreie. Die h\u00e4t sich gfreut, chan ich eu s\u00e4ge! \u00c4ndlich gseht sie ihre Vater und ihres Land wieder!<\/p>\n

Wo sie mit d\u00e4 Prinz\u00e4ssin und em gfesslete Herzog zrugg in Loretanie gsi sind, h\u00e4t sich d\u2019Prinz\u00e4ssin aber z\u2019erscht no welle umzieh.<\/p>\n

\u201eIch cha doch n\u00f6d mit den\u00e4 L\u00fcmpe vor min Vater ane stah\u201c h\u00e4t sie gseit und uf ihri Gf\u00e4ngnis-Chleider zeiget. D\u00e4 Cliff h\u00e4t gmeint, dass das ihrem Vater sicher total egal seg, d\u00e4 freui sich doch so, sie wieder bi sich z\u2019ha. Aber d\u2019Prinz\u00e4ssin h\u00e4t sich n\u00f6d vo ihrem Entschluss abbringe lah und h\u00e4t s\u2019sch\u00f6nschte rosa Chleid azoge, wo sie gha h\u00e4t.<\/p>\n

\"Happy<\/p>\n

D\u00e4 K\u00f6nig Lolo isch usser sich gsi vor Freud, wo er sini Tochter, sis Prinz\u00e4ssli, sini Lea, wieder h\u00e4t ch\u00f6ne i d\u2019Arme n\u00e4h. Er h\u00e4t sich gschwore, sie nie meh los\u2019z\u2019lah und viel besser uf sie uf\u2019z\u2019passe.<\/p>\n

\u201eUnd du, Herzog vo M\u00f6hretal\u201c, h\u00e4t er zum gfesslete Gfangene gseit. \u201eDu chunnsch jetzt is t\u00fc\u00fcfschte Loch vo ganz Loretanie! Det\u00e4 wirsch du igsperrt, bis du alt und grau bisch!\u201c<\/p>\n

\u201eNei Vater!\u201c h\u00e4t ihn d\u2019Prinz\u00e4ssin Lea unterbroche.<\/p>\n

\u201eIch weiss jetzt ganz genau, wie das isch, w\u00e4mmer igsperrt isch!“ h\u00e4t d’Lea erchl\u00e4rt. „Ich bin so lang i dem Turm gfange gsi, dass ich sicher wahn-sinnig worde w\u00e4r, w\u00e4ri da n\u00f6d d\u00e4 Herzog vo M\u00f6hretal s\u00e4lber gsi! Z\u2019erscht h\u00e4t er mir amigs en Honigtoascht ufe bracht oder \u00f6ppis anders z\u2019trinke als fuuls Wasser. D\u00e4nn isch er immer l\u00e4nger bi mir obe bliebe und mir h\u00e4nd viel mitenand gschw\u00e4tzt.<\/p>\n

Er isch eigentich gar n\u00f6d eso en B\u00f6se, wie mer immer meint und wie er leider au sehr oft tuet. Sini Eltere und Grosseltere h\u00e4nd ihm halt immer wieder itrichteret, dass Loretanie es furchtbars Land seg und s\u2019M\u00f6hretal s\u2019einzig wahre Riich. So h\u00e4t er das s\u00e4lber afange glaube, doch bim viele Red\u00e4 mit mir h\u00e4t er sini Meinig \u00fcber eus komplett g\u2019\u00e4nderet.\u00a0Ich d\u00e4nke, mir s\u00f6ttet ihm nomal \u00e4 Chance geh und ICH will ihm au \u00e4 s\u00f6ttigi geh.\u201c<\/p>\n

D\u00e4nn h\u00e4t sie \u00e4 kurzi Pause gmacht und nachher die Wort gseit, wo d\u00e4 K\u00f6nig Lolo siis ganze L\u00e4be nie meh verg\u00e4sse wird.<\/p>\n

\u201ePapi, ich ha mich in Herzog vo M\u00f6hretal verliebt und will ihn h\u00fcrate!\u201c<\/p>\n

D\u00e4 K\u00f6nig Lolo isch nat\u00fcrlich baff gsi, aber will er so grossi Freud gha h\u00e4t, dass sini Tochter wieder zrugg gsi isch, isch er doch irgendwie dr\u00fcber weg cho und h\u00e4t sini k\u00f6niglichi Erlaubnis f\u00fcr die unerwarteti Hochziit geh.<\/p>\n

\"Feuerwerk\"<\/p>\n

Es h\u00e4t es riesigs F\u00e4scht geh mit Musig, Tanze, Hochziitsturte, F\u00fc\u00fcrwerch und allem. Nat\u00fcrlich\u00a0sind d\u2019Helde vo Loretanie au iglade worde: D\u00e4 Cliff, d\u00e4 H\u00e4nger, d\u00e4 Gumpi und d\u00e4 Herr Igel.<\/p>\n

Bevor s\u2019Hochziitspaar i d\u2019Flitterwuche nach Stockholm greist isch, h\u00e4t d\u2019Prinz\u00e4ssin Lea em Cliff no en pr\u00e4chtige Bluemestruss \u00fcberreicht. Sie h\u00e4t ihm uf jedi Bagge es K\u00fcssli geh und d\u00e4 Cliff isch so entz\u00fcckt gsi, dass er gar n\u00f6d glueget h\u00e4t, wie er d\u00e4 Bluemestruus i d\u2019Hand gnah h\u00e4t.<\/p>\n

Ei Blueme h\u00e4t \u00e4 spitzigi Dorne gha und genau mit der\u00e4 h\u00e4t sich d\u00e4 Cliff in Duume gstoche.<\/p>\n

\u201eAua!\u201c h\u00e4t er gruefe, da isch ihm au scho wieder tr\u00fcmmlig worde.<\/p>\n

Morn wird die Gschicht\u00a0ihres \u00c4ndi finde!<\/strong><\/span>
\n Freued eu uf d\u2019Wiehnacht, liebi Chinde!<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n