{"id":5094,"date":"2013-12-22T09:48:03","date_gmt":"2013-12-22T08:48:03","guid":{"rendered":"http:\/\/www.logoroe.ch\/?p=5094"},"modified":"2016-12-11T23:33:52","modified_gmt":"2016-12-11T22:33:52","slug":"dhaeslipirate-werded-ueberlischtet","status":"publish","type":"post","link":"https:\/\/www.logoroe.ch\/?p=5094","title":{"rendered":"D\u2019H\u00e4slipirate werded \u00fcberlischtet"},"content":{"rendered":"

\"\"<\/a>Jetzt geht’s zur Sache bei Cliff & H\u00e4nger! Die Hasenburg des \u00fcblen Herzogs von M\u00f6hretal ist erreicht und will gest\u00fcrmt werden. Die Frage ist bloss: Wie? „Braveheart!!!“ und hinein ins Gemetzel oder doch mit Intelligenz und einem Plan? Kriegsbemalung aufs Gesicht und hinein in Kapitel 22!
\n<\/p>\n

\n

Previously on Cliff und H\u00e4nger:<\/strong><\/span><\/p>\n

Nach enere lange Reis erreiched eusi Helde endlich Loretanie. Doch s’Riich vom Herzog vo M\u00f6hretal isch mit h\u00f6che Muure versperrt. Hinter ener\u00e4 verbotene T\u00fcr findet sie en gheime Gang, wo direkt zu d\u00e4 Haseburg f\u00fcehre s\u00f6ll.\u00a0<\/span><\/p><\/blockquote>\n

Kapitel 22
\nD\u2019H\u00e4slipirate werded \u00fcberlischtet<\/h3>\n

Wie scho i d\u00e4 Giggeli-Berge sind eusi Helde au jetzt wieder dur en dunkle H\u00f6hlegang gloffe. Glitzrigi Edelstei sind i d\u00e4 W\u00e4nd ine gsteckt und h\u00e4nd es schwachs Liecht f\u00fcr eusi Wanderer abg\u00e4h.<\/p>\n

Wo d\u2019H\u00f6hli \u00e4 Kurve gmacht h\u00e4t, sind sie pl\u00f6tzlich vomene Raschle verschreckt worde.<\/p>\n

\u201eN\u00f6d scho wieder en Schw\u00e4tz-Schwabbel!\u201c h\u00e4t d\u00e4 Cliff gruefe.<\/p>\n

\"Osterhase\"Vor ihne isch aber zum Gl\u00fcck keis vo den\u00e4 Schlabber-Monschter gstande, sondern d\u00e4 Oschterhas mit emene Ch\u00f6rbli voll Eier uf em Rugge.<\/p>\n

\u201eTschuldigung, aber was bitte sch\u00f6n machsch du d\u00e4nn i der\u00e4 Gschicht?\u201c h\u00e4t d\u00e4 Cliff erstuunt gfr\u00f6get. \u201eEs isch Wiehnachte und n\u00f6d Oschtere!\u201c<\/p>\n

D\u00e4 Oschterhas h\u00e4t verwirrt uf sini Uhr glueget und isch z\u00e4mezuckt. \u201eJesses Gott, du h\u00e4sch ja r\u00e4cht!\u201c h\u00e4t er gruefe und isch ganz nerv\u00f6s wieder us d\u00e4 Gschicht use gumped.<\/p>\n

Nach emene lange Marsch sind sie uf d\u00e4 andere Siite vom H\u00f6hlegang acho. Au d\u00e4 Usgang isch mit emene schwere Schloss versperrt gsi, doch au da h\u00e4t em Cliff sin Schl\u00fcssel funktioniert.<\/p>\n

Sie sind hinter emene Gschtr\u00fcpp usserhalb vo d\u00e4 Burgmuure vom Herzog vo M\u00f6hretal usecho. D\u2019Burg isch \u00fcber und \u00fcber vo H\u00e4slipirate bewacht worde. \u00dcberall h\u00e4t mer Hasenohre use luege gseh und es h\u00e4t n\u00f6d ei M\u00f6glichkeit geh, unbemerkt is Innere vo d\u00e4 Burg z\u2019cho.<\/p>\n

\"Hasenburg\"<\/p>\n

\u201eJa und jetzt?\u201c h\u00e4t d\u00e4 Cliff gfr\u00f6get. \u201eJetzt simmer bis da ane cho, h\u00e4nd s\u2019Dichtew\u00e4ldli und d\u2019Giggeli-Berge hinter eus glah, en Schw\u00e4tz-Schwabbel und \u00e4 H\u00e4x besiegt und es un\u00fcberwindbars Meer unterwunde. Und jetzt simmer da und h\u00e4nd kein Plan?\u201c<\/p>\n

\u201eDoch\u201c h\u00e4t d\u00e4 Herr Igel gseit und uf em H\u00e4nger sin Sack mit d\u00e4 Schrumpfr\u00fcebli zeiget.<\/p>\n

\u201eSpiesset die all uf mini Stachle druf. Uf jede Stachel eis R\u00fcebli. Und d\u00e4nn lueged mir zue!\u201c<\/p>\n

Meh h\u00e4t d\u00e4 Herr Igel n\u00f6d welle s\u00e4ge, will er s\u00e4lber n\u00f6d sicher gsi isch, \u00f6b sin Plan au w\u00fcrklich funktioniert. Sie h\u00e4nd ihm also d’Schrumpfr\u00fcebli uf d\u2019Stachle gsteckt und eso isch d\u00e4 Herr Igel uf s\u2019Igangstor vo d\u00e4 Burg zuegwatschlet. D\u2019H\u00e4slipirate h\u00e4nd all scho i d\u00e4 Luft gschnupperet und d\u00e4 feini Duft vo den\u00e4 R\u00fcebli i d\u00e4 Nase gha.<\/p>\n

D\u00e4 Herr Igel h\u00e4t s\u2019Tor erreicht, h\u00e4t sich genau vore dra am Bode z\u00e4mekrugelet und luut \u201eAp\u00e9ro!\u201c gruefe.<\/p>\n

\"Ap\u00e9ro\"<\/p>\n

D\u2019H\u00e4slipirate h\u00e4nd die wie uf Zahstocher ufgspiesste R\u00fcebli gseh und sind all usegr\u00e4nnt. Jedes H\u00e4sli h\u00e4t eis R\u00fcebli packt und h\u00e4t\u2019s ratzfatz verputzt.<\/p>\n

Da isch au em H\u00e4nger en Idee cho. Er h\u00e4t sin andere Sack f\u00fcre gnah, d\u00e4 mit d\u00e4 Schl\u00e4ckst\u00e4ngel dine, und h\u00e4t en i h\u00f6chem Boge n\u00e4bed d\u00e4 Herr Igel gschosse.<\/p>\n

\u201eDessert!\u201c h\u00e4t er dad\u00e4bi gruefe.<\/p>\n

D\u2019H\u00e4slipirate h\u00e4nd sich im Schlaraffeland gf\u00fchlt. Nach R\u00fcebli no Schl\u00e4ckst\u00e4ngel! Heirassa! Und d\u00e4nn au no so grossi! Die Schl\u00e4ckst\u00e4ngel sind all \u00f6ppe dr\u00fc Mal so gross gsi wie d\u2019H\u00e4sli s\u00e4lber! Y\u00e4mmi!<\/p>\n

\u201eDu Kari\u201c, h\u00e4t ufs Mal eis H\u00e4sli zum andere gseit. \u201eWieso h\u00e4nd mir eigentlich all z\u00e4me i eim einzige Schl\u00e4ckst\u00e4ngelsack Platz?\u201c<\/p>\n

\"Hasen<\/p>\n

Jetzt h\u00e4nd sie gmerkt, dass sie gschrumpft worde sind, doch es isch scho z\u2019spaht gsi. D\u00e4 Cliff isch zum Tor gr\u00e4nnt, h\u00e4t d\u00e4 Sack mit allne Miniat\u00fcr-H\u00e4sli drin packt und sofort guet zue gschn\u00fcert.<\/p>\n

\u201eDie bring ich i min Zoo!\u201c h\u00e4t er sich gfreut. \u201eDas sind jetzt aber w\u00fcrklich emal \u00e4chti Zwergh\u00e4sli!\u201c<\/p>\n

\u201eNume n\u00f6d z\u2019schn\u00e4ll!\u201c h\u00e4t \u00e4 Stimm h\u00e4ssig usgruefe.<\/p>\n

D\u00e4 Herzog vo M\u00f6hretal isch us d\u00e4 Burg tr\u00e4te und uf eusi Fr\u00fcnde zue cho.<\/p>\n

D\u00e4 letschti Kampf,\u00a0er bahnt sich a<\/strong><\/span>
\n morn isch d\u00e4 Herzog\u00a0vo M\u00f6hretal dra!<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n