{"id":5092,"date":"2013-12-21T07:07:24","date_gmt":"2013-12-21T06:07:24","guid":{"rendered":"http:\/\/www.logoroe.ch\/?p=5092"},"modified":"2016-12-11T23:33:59","modified_gmt":"2016-12-11T22:33:59","slug":"die-verboteni-tuer","status":"publish","type":"post","link":"https:\/\/www.logoroe.ch\/?p=5092","title":{"rendered":"Die verboteni T\u00fcr"},"content":{"rendered":"

\"\"<\/a>Das grosse Zusammentreffen in Loretanien steht an! Cliff, H\u00e4nger und ihre Freunde treffen endlich auf K\u00f6nig Lolo. Was f\u00fcr eine Freude! Doch wo ist denn sein T\u00f6chterchen Lea, wegen welcher sie ja die ganze Reise in Angriff genommen haben?
\n<\/p>\n

 <\/p>\n

\n

Previously on Cliff und H\u00e4nger:<\/strong><\/span><\/p>\n

Nachdem d\u00e4 Gumpi vo d\u00e4 H\u00e4x Lamontanara in es Spielz\u00fcg-R\u00f6ssli verchliineret worde isch, h\u00e4nd die liebe Muulw\u00fcrf vo Loretanie zumene R\u00f6ssli-Vergr\u00f6sserigs-Zauber agsetzt. S’einzig, wo uf das abe passiert isch, isch \u00e4 Verwandlig vom Gumpi ines Spielz\u00fcg-Einhorn gsi.<\/span><\/p><\/blockquote>\n

Kapitel 21
\nDie verboteni T\u00fcr<\/h3>\n

D\u00e4 Gumpi isch als fr\u00fcsch verwandlets Einhorn zmitzt i d\u00e4 Zauberchammere vo d\u00e4 Muulwurf-H\u00f6hli gstande. Pl\u00f6tzlich isch er wieder gr\u00f6sser und gr\u00f6sser worde!<\/p>\n

\u201eJa du verbr\u00e4nnti Zeine!\u201c h\u00e4t d\u00e4 Papa Muulwurf gruefe. \u201eMir h\u00e4nd ganz verg\u00e4sse, dass mer d\u00e4 Zauber nume verusse d\u00f6rf aw\u00e4nde! Schn\u00e4ll! Use mit eu! S\u00fcscht muess d\u00e4 Gumpi, wenn er sini richtigi Gr\u00f6ssi wieder h\u00e4t, f\u00fcr immer da une ikl\u00e4mmt bliebe!\u201c<\/p>\n

Wie d\u00e4 Blitz sind eusi Fr\u00fcnde d’H\u00f6hlew\u00e4nd ufe kl\u00e4tteret. D\u2019Muulw\u00fcrf h\u00e4nd ihne, so guet wie’s gange isch, ghulfe d\u00e4bi! D\u00e4 Gumpi isch scho uf allne vier Siite a d\u00e4 W\u00e4nd acho, wo sie \u00e4ndlich d\u00e4 Usgang bim Muulwurfsh\u00fcgel erreicht h\u00e4nd.<\/p>\n

\u201eUfff, das isch jetzt aber knapp gsi!\u201c h\u00e4t euses R\u00f6ssli ufgschnuufet. \u201eUnd ich han \u00e4ndlich au wieder mini richtigi Gr\u00f6ssi zrugg! Aber das sch\u00f6ne Horn, bliebt das jetzt immer uf minere Stirn?\u201c<\/p>\n

\u201eJa, also, es isch ebe eso\u201c, h\u00e4t d\u00e4 Papa Muulwurf nur ungern d\u00e4mit usegruckt. \u201eD\u00e4 R\u00f6ssli-Vergr\u00f6sserigs-Zauber isch leider n\u00f6d ganz ohni N\u00e4bew\u00fcrkige und das Horn uf dim Chopf isch halt so en N\u00e4bedeffekt.\u201c<\/p>\n

\u201eGenau wie das da au!\u201c h\u00e4t d\u2019Muulwurfstochter gruefe und stolz vier grossi Schl\u00e4ckst\u00e4ngel i d\u2019Luft ghebet.<\/p>\n

\u201eStimmt\u201c h\u00e4t d\u00e4 Papa Muulwurf no erg\u00e4nzt. \u201eEs bruucht eigentlich nume dr\u00fc Haifischz\u00e4h f\u00fcr d\u00e4 Trick, aber jed\u00e4 Zah, wo mehr meh verw\u00e4ndet, verwandlet sich bim Zauber inen Schl\u00e4ckst\u00e4ngel. Und mir Muulw\u00fcrf h\u00e4nd die ebe so gern.\u201c<\/p>\n

Die vier Muulw\u00fcrf h\u00e4nd grad welle die fr\u00fcsch anezauberete Schl\u00e4ckst\u00e4ngel i d\u2019M\u00fc\u00fcler n\u00e4h, da h\u00e4t d\u00e4 H\u00e4nger sie b\u00e4te, die vier Lollis wieder zrugg i sin Sack z\u2019geh.<\/p>\n

\u201eIch han irgendwie s\u2019Gf\u00fchl, dass mer au die no sehr guet bruuche werded i der\u00e4 Gschicht.\u201c<\/p>\n

Und will er mit d\u00e4 Haifischz\u00e4h ja scho r\u00e4cht gha h\u00e4t, h\u00e4nd d\u2019Muulw\u00fcrf ohni z\u2019Murre d’Schl\u00e4ckis em H\u00e4nger \u00fcbergeh.<\/p>\n

D\u00e4 H\u00e4nger h\u00e4t versproche, dass er ihne Hunderti vo Schl\u00e4ckst\u00e4ngel werdi schicke, sobald alles guet usgange seg und sie h\u00e4nd sich vo d\u00e4 Familie Muulwurf verabschiedet und sind wiiter zoge.<\/p>\n

Jetzt h\u00e4nd sie d\u00fctlich besser ufpasst als vorher und scho bald sind sie bim Schloss vom K\u00f6nig Lolo acho. D\u00e4 h\u00e4t sich riesig gfreut, dass eis vo sine R\u00f6ssli, wo er usgschickt h\u00e4t zum Hilf hole, \u00e4ndlich zrugg cho isch und d\u00e4nn au no grad als Einhorn!<\/p>\n

Doch wo d\u00e4 Herr Igel bim Verb\u00fc\u00fcge vor em K\u00f6nig usgrutscht isch und d\u00e4 Chopf ame Thronbei agschlage h\u00e4t, isch d\u2019Freud vom K\u00f6nig n\u00fcme gliich gross gsi.<\/p>\n

\u201eAlso IHR w\u00e4nd mis T\u00f6chterli rette?\u201c h\u00e4t er vorsichtig gfr\u00f6get.<\/p>\n

\u201eJa genau!\u201c h\u00e4t d\u00e4 Cliff gruefe. \u201eUnd mit dem w\u00e4mmer jetzt \u00e4ndlich afange! Wie ch\u00f6mmed mer vo da is M\u00f6hretal?\u201c<\/p>\n

\u201eDas isch ebe scho s\u2019n\u00e4chschte Problem!\u201c h\u00e4t d\u00e4 K\u00f6nig verzwiiflet uf d\u00e4 Bode glueget. \u201eD\u00e4 Herzog vo M\u00f6hretal h\u00e4t um sis ganze Land \u00e4 Muur baue lah, und zwar so \u00e4 h\u00f6chi, dass sie bis in Himmel ue gaht! S\u2019einzige Tor i der\u00e4 Muur ine, isch dermasse starch vo H\u00e4slipirate bewacht, dass mer unm\u00f6glich l\u00e4big det dure chunnt. Er isch aber au en truurige Gsell, d\u00e4 Herzog vo M\u00f6hre…\u201c<\/p>\n

\u201eEntschuldiged Sie, Herr K\u00f6nig\u201c, h\u00e4t ihn en sch\u00fc\u00fcche Diener unterbroche. \u201eWas w\u00e4r d\u00e4nn mit d\u00e4 verbotene T\u00fcr? Die gaht doch genau \u00fcbere is…\u201c<\/p>\n

\u201eSchwiig!\u201c h\u00e4t d\u00e4 K\u00f6nig befohle!\u00a0\u201eDu weisch ganz genau, dass die verboteni T\u00fcr verboteni T\u00fcr heisst, will sie ebe genau verbote isch! Siit Hunderte vo Jahr isch die T\u00fcr n\u00fcm ufgmacht worde. Und sowieso! Sie isch mit emene schwere Schloss verriglet und es giit i ganz Loretanie kein Schl\u00fcssel d\u00e4f\u00fcr! Also, vergiss die T\u00fcr grad wieder!\u201c<\/p>\n

Da h\u00e4t sich d\u00e4 Cliff igmischt. \u201eAber Herr K\u00f6nig, es gaht doch um ihres T\u00f6chterli Lea! Mir m\u00fcend alles probiere. Und w\u00e4gem Schl\u00fcssel m\u00fcend Sie sich kei Sorge mache.\u201c<\/p>\n

\"Schl\u00fcssel\"<\/p>\n

Er h\u00e4t sin Zooschl\u00fcssel f\u00fcre gnah, h\u00e4t en es paar Mal um d\u00e4 Finger gschwunge und gmeint: \u201eAlso, wo isch das T\u00fcrli, wo?\u201c<\/p>\n

Da h\u00e4t ihm d\u00e4 K\u00f6nig erchl\u00e4rt, dass vor Hunderte vo Jahr d\u2019Bewohner vo Loretanie und vom M\u00f6hretal no in Friede mitenander gl\u00e4bt heb\u00e4d. Die schnellschti Verbindig zw\u00fcsched d\u00e4 beide L\u00e4nder seg en unterirdische Gang gsi, wo s\u2019Schloss vo Loretanie mit d\u00e4 Herrscherburg vo M\u00f6hretal direkt verbunde heb. Wo d\u00e4nn d\u2019Vorfahre vom Herzog vo M\u00f6hretal pl\u00f6tzlich Striit mit d\u00e4 Vorfahre vom K\u00f6nig Lolo agfange hebed, segi d\u00e4 Gang f\u00fcr immer verschlosse worde.<\/p>\n

Sie h\u00e4nd eusi Fr\u00fcnde zunere alte Holzt\u00fcr gf\u00fcehrt, wo mit emene schwere Ise-Schloss zuegsperrt gsi isch.<\/p>\n

\"Verbotene<\/p>\n

\u201eAlso los!\u201c h\u00e4t d\u00e4 Cliff gseit und mit sim Schl\u00fcssel probiert, das schwere Schloss uf\u2019z\u2019mache.<\/p>\n

Nat\u00fcrlich h\u00e4t das au das Mal klappet und d\u00e4 Cliff, d\u00e4 H\u00e4nger, d\u00e4 Herr Igel und d\u00e4 Gumpi h\u00e4nd die letscht Etappe vo ihrere grosse Reis in Agriff gnah.<\/p>\n

S\u2019Gschichtli gaht\u00a0em \u00c4ndi zue<\/strong><\/span>
\ndoch f\u00fcr h\u00fct isch gnueg,\u00a0ich gib jetzt Rueh.<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n