{"id":5088,"date":"2013-12-19T07:07:54","date_gmt":"2013-12-19T06:07:54","guid":{"rendered":"http:\/\/www.logoroe.ch\/?p=5088"},"modified":"2016-12-11T23:34:15","modified_gmt":"2016-12-11T22:34:15","slug":"sunueberwindbare-meer-wird-unterwunde","status":"publish","type":"post","link":"https:\/\/www.logoroe.ch\/?p=5088","title":{"rendered":"S\u2019un\u00fcberwindbare Meer wird unterwunde"},"content":{"rendered":"

\"\"<\/a>Heute heisst es Luft anhalten bei Cliff und H\u00e4nger! Ein Meer unterwinden, das steht nicht alle Tage auf dem Programm! Und wenn dann noch Seeigel und Haie auf- resp. untertauchen\u2026! Flossen hoch und hinein ins Kapitel 19!<\/p>\n

<\/p>\n

 <\/p>\n

\n

Previously on Cliff und H\u00e4nger:<\/strong><\/span><\/p>\n

Zw\u00fcsched eusne Fr\u00fcnde und Loretanie liegt einzig no s’un\u00fcberwindbare Meer! Doch wie ch\u00f6med sie bloss \u00fcber das \u00fcbere? \u00c4 chlini Meerjungfrau wirft ihne vier Pillene zue und seit ihne, sie s\u00f6lled die schlucke und is Meer gumpe.<\/span><\/p><\/blockquote>\n

Kapitel 19
\nS\u2019un\u00fcberwindbare Meer wird unterwunde<\/h3>\n

Eusi vier Helde sind is Wasser gumped und h\u00e4nd gseh, dass d’Meerjungfrau scho es r\u00e4chts St\u00fcckli vorusgange isch. Sie h\u00e4nd alli fescht d\u2019Luft aghalte und versuecht, ihre z’folge. Es isch es komischs Meer gsi. Sie h\u00e4nd n\u00e4mli ganz normal ch\u00f6ne uf em Grund laufe, statt dass es sie wieder a d’Oberfl\u00e4chi ue zoge hetti. \u00dcberall um sie ume sind Fisch i d\u00e4 sch\u00f6nschte Farbe verbi gschwumme. Es h\u00e4t herrlich usgseh da une.<\/p>\n

\"FIsche\"<\/p>\n

Als erschts isch em\u00a0Herr Igel d\u2018Luft usgange. Er h\u00e4t s\u2019Muul ufgmacht und erwartet, dass ihm jetzt\u00a0s\u2019salzige Wasser in\u00a0Hals abe laufe w\u00fcrdi.<\/p>\n

Doch d\u00e4 Herr Igel h\u00e4t ch\u00f6ne unter Wasser schnuufe!<\/p>\n

Das muess a der\u00e4 Pille vo d\u00e4 Meerjungfrau ligge, h\u00e4t er d\u00e4nkt und sine Fr\u00fcnde Zeiche gmacht, dass sie au unter Wasser schnuufe ch\u00f6ned.<\/p>\n

\u201eCh\u00f6med \u00e4ndli!\u201c h\u00e4t d\u2019Meerjungfrau ihne ungeduldig zuegruefe. \u201eD\u2019W\u00fcrkig vo der\u00e4 Pille hebet n\u00f6d ewig! Und s\u2019Meer isch gross! Sehr gross!\u201c<\/p>\n

Sie isch eusem Tr\u00fcppli vorus gschwumme und d\u00e4 Cliff, d\u00e4 H\u00e4nger und d\u00e4 Herr Igel mit em Gumpi i d\u00e4 T\u00e4sche sind ihre nahgwatschlet, so guet sie h\u00e4nd ch\u00f6ne. D\u00e4 Meeresgrund isch zum Teil r\u00e4cht schlammig gsi und mer h\u00e4t guet m\u00fcesse luege, wohi mer gstande isch.<\/p>\n

Nat\u00fcrlich isch es d\u00e4 trotteligi Herr Igel gsi, wo n\u00f6d ufpasst h\u00e4t und – Autsch! – uf en Seeigel gstande isch.<\/p>\n

\u201eChasch n\u00f6d ufpasse!\u201c h\u00e4t d\u00e4\u00a0Seeigel h\u00e4ssig\u00a0gruefe, da h\u00e4t er\u00a0gmerkt, dass d\u00e4 Herr Igel en entfernte Cousin vo ihm gsi isch.<\/p>\n

„Ja, d\u00e4 Herr Igel!“ h\u00e4t d\u00e4 Seeigel sich gfreut. „Was mached d\u00e4nn Sie da une, ussert uf Seeigel wie mich ufe’z’trampe?“<\/p>\n

„Das isch \u00e4 langi Gschicht“, h\u00e4t\u00a0d\u00e4 Herr Igel gmeint.\u00a0„Ganz am Afang isch\u00a0en riesige Huufe Tannez\u00e4pfe gsi unter d\u00e4\u00a0Dichte-B\u00e4um. Unter dem Huufe h\u00e4t \u00f6pper\u00a0um Hilf gschroue und\u00a0ich bin d\u00e4nn nat\u00fcrlich\u00a0sofort grad anegange und…“<\/p>\n

\u201eAchtung en Hai!\u201c h\u00e4t pl\u00f6tzlich d\u2019Meerjungfrau vo vorne gruefe.<\/p>\n

Und w\u00fcrklich. Ganz en gf\u00fcrchige Hai isch mit wiit ufgsperrtem Muul uf sie zuegschwumme. \u201e\u00c4ndlich wieder emal es feins Zmittag!\u201c h\u00e4t er gschm\u00e4tzlet.<\/p>\n

Als erschts h\u00e4t er welle d\u00e4 Herr Igel fr\u00e4sse.<\/p>\n

\u201eW\u00e4rum immer ich?\u201c h\u00e4t d\u00e4 Herr Igel gjammeret und isch sicher gsi, dass das die letschte Wort vo sim L\u00e4be gsi sind.<\/p>\n

Churz bevor d\u00e4 Hai\u00a0d\u00e4 Herr Igel mit\u00a0sim Muul verw\u00fctscht h\u00e4t,\u00a0isch wie\u00a0us\u00a0em N\u00fc\u00fct use, d\u00e4\u00a0Gumpi us sinere Jagget\u00e4sche use gschprunge. Er h\u00e4t sin Fr\u00fcnd welle verteidige, h\u00e4t luut \u201eBanzai!!!!!!\u201c gschroue und wild mit sin\u00e4 Huf umegwirblet.<\/p>\n

D\u00e4 Hai, wo no nie so es chliises R\u00f6ssli gseh h\u00e4t, isch z\u2019Tod verschrocke. Er h\u00e4t sich sofort umdr\u00fcllt und isch d\u00e4vo gsaust. Dad\u00e4bi isch er – P\u00e4ff! – so fescht inen Felse t\u00e4tscht, dass ihm grad siebe Z\u00e4h zum Muul us gheit sind. D\u00e4nn isch er ab und d\u00e4vo.<\/p>\n

\"Hai\"<\/p>\n

„Danke, Gumpi“ h\u00e4t d\u00e4\u00a0Herr Igel ufgschnuufet.\u00a0„Das isch ja superknapp\u00a0gsi! Aber zum Gl\u00fcck h\u00e4sch du ihn mit dim ‚Banzai!‘ verjagt!“<\/p>\n

Er isch so erliechteret gsi, dass er grad es Liedli gsunge h\u00e4t:<\/p>\n

R\u00fceft d\u00e4 Gumpi „Banzai!“<\/strong><\/span>
\n saust d\u00e4 bl\u00f6di Hai<\/strong><\/span>
\n grad in en Stei<\/strong><\/span>
\n und muess ohni Z\u00e4h hei!<\/strong><\/span>
\n Ja nei!<\/strong><\/span><\/p>\n

D\u00e4 Cliff, d\u00e4 Gumpi und d’Meerjungfrau h\u00e4nd glachet und grad mitgsunge. D\u00e4 H\u00e4nger aber isch zum Felse gange und h\u00e4t die siebe Z\u00e4h ufgl\u00e4se, wo em Hai usegheit sind.<\/p>\n

„Was wottsch au mit den\u00e4?“ h\u00e4t d\u00e4 Gumpi gfr\u00f6get. „Du treisch doch scho die ganz Ziit din Sack Schrumpfr\u00fceblis mit ume!“<\/p>\n

„Wer weiss? Viellicht ch\u00f6mmer ja au die Haiz\u00e4h no guet\u00a0bruuche\u201c, h\u00e4t d\u00e4 H\u00e4nger\u00a0gmeint und h\u00e4t sie\u00a0inen zweite Sack\u00a0versorget.<\/p>\n

Sie h\u00e4nd sich wieder ufgmacht und h\u00e4nd nach\u00a0emene lange Marsch die\u00a0ander Meeressiite erreicht.<\/p>\n

Vor ihne isch \u00e4 wundersch\u00f6ni Landschaft gl\u00e4ge. Gr\u00fceni B\u00e4um sind vor rote Berge gstande, d\u00e4 Himmel isch blau-violett gf\u00e4rbt gsi und en pr\u00e4chtige R\u00e4geboge h\u00e4t sich \u00fcber s’Tal gspannt.<\/p>\n

„Loretanie!“<\/strong><\/span><\/p>\n

\"Loretanien\"<\/p>\n

Sie sind so froh gsi, \u00e4ndlich s’Ziel vo ihrere Reis erreicht z’ha, dass keine vo ihne meh speziell ufpasst h\u00e4t bim Wiiterlaufe.<\/p>\n

Und – Zagg! – sind all vier ines t\u00fc\u00fcfs Loch im Bode ine gheit!<\/p>\n

Ja ch\u00f6med die vier\u00a0d\u00e4nn nie zur Rueh?<\/strong><\/span>
\nAm beschte loseder\u00a0morn wieder zue.<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n