{"id":5084,"date":"2013-12-17T07:07:43","date_gmt":"2013-12-17T06:07:43","guid":{"rendered":"http:\/\/www.logoroe.ch\/?p=5084"},"modified":"2016-12-11T23:34:29","modified_gmt":"2016-12-11T22:34:29","slug":"dae-gumpi-wird-es-spielzuegroessli","status":"publish","type":"post","link":"https:\/\/www.logoroe.ch\/?p=5084","title":{"rendered":"D\u00e4 Gumpi wird es Spielz\u00fcgr\u00f6ssli"},"content":{"rendered":"

\"\"<\/a>Heute wird gehext bei Cliff und H\u00e4nger! Jedoch nicht von der Hexe Lamontanara, weil die steht bloss noch wie ein Stein in der Gegend rum, sondern von unseren Titelhelden h\u00f6chstpers\u00f6nlich. Na, wenn das mal bloss gut geht!
\n<\/p>\n

 <\/p>\n

\n

Previously on Cliff und H\u00e4nger:<\/strong><\/span><\/p>\n

Bevor eusi Fr\u00fcnde d’H\u00e4x Lamontanara h\u00e4nd ch\u00f6ne \u00fcberw\u00e4ltige, h\u00e4t sie d\u00e4 arm Gumpi versteineret! Jetzt holed d\u00e4 Cliff und d\u00e4 H\u00e4nger alles M\u00f6gliche us em H\u00e4xech\u00e4ller ufe und w\u00e4nd mit dem Z\u00fc\u00fcg ihres R\u00f6ssli wieder lebendig mache. \u00a0<\/span><\/p><\/blockquote>\n

Kapitel 17<\/span>
\n D\u00e4 Gumpi wird es Spielz\u00fcgr\u00f6ssli<\/span><\/h3>\n

\u201eWas bringed ihr da d\u00e4nn alles f\u00fcr Sache ufe?\u201c h\u00e4t d\u00e4 Herr Igel welle w\u00fcsse, wo d\u00e4 Cliff und d\u00e4 H\u00e4nger us em Loch im Bode wieder ufecho sind.<\/p>\n

Sie h\u00e4nd Dutzendi Vase und Ampore ufe gschleickt und h\u00e4nd sie n\u00e4bed em Gumpi uf d\u00e4 Bode gstellt.<\/p>\n

\u201eJetzt heisst\u2019s usprobiere!\u201c h\u00e4t d\u00e4 Cliff gmeint und s\u2019erschte Zaubertrank-Gf\u00e4ss ufgmacht. Es d\u00fcnns R\u00e4uchli isch grad us d\u00e4 Fl\u00e4sche use cho. L\u00e4ck Bobby, h\u00e4t das gstunke!<\/p>\n

Er h\u00e4t es paar Tr\u00f6pfli vo dem Zaubertrank uf en L\u00f6ffel tah, isch zum versteinerete Gumpi gange und h\u00e4t ihm d\u00e4 L\u00f6ffel is Muul ine ghebet.<\/p>\n

Z\u2019erscht isch n\u00fct passiert und d\u00e4 Cliff h\u00e4t scho es anders Mitteli welle go hole, wo d\u00e4 Gumpi pl\u00f6tzlich ganz komischi Gr\u00fcsch vo sich geh h\u00e4t.<\/p>\n

Sini Huut us Stei isch weggsplitteret und d\u00e4 Gumpi isch wieder fascht wie vorher gsi.<\/p>\n

\"GumpiAber ebe nur fascht.<\/p>\n

Sis Fell isch jetzt gr\u00fcen gsi.<\/p>\n

\u201eDanke f\u00fcrs Entsteinere, mini Fr\u00fcnde\u201c, h\u00e4t er gmeint. \u201eAber holed bitte d\u00e4 n\u00e4chscht Zaubertrank. Ich bin doch kein Frosch!\u201c<\/p>\n

Jetzt h\u00e4t d\u00e4 H\u00e4nger es Mitteli usgsuecht. Au er h\u00e4t em Gumpi es paar Tr\u00f6pfe d\u00e4vo geh und sofort isch sis gr\u00fcene Fell wieder wundersch\u00f6n bruun worde.<\/p>\n

D\u00e4 Gumpi h\u00e4t sich gfreut und h\u00e4t sich welle bim H\u00e4nger bedanke, doch sini Stimm isch jetzt so t\u00fc\u00fcf gsi, dass mer en fascht n\u00fcme verstande h\u00e4t.<\/p>\n

\u201eHeieiei!\u201c h\u00e4t er t\u00fc\u00fcf brummlet. \u201eSo cha das aber au n\u00f6d bliebe! Ich bin doch n\u00f6d d\u00e4 Samichlaus!\u201c<\/p>\n

D\u00e4 Cliff h\u00e4t welle es anders Mitteli usprobiere, aber er isch vom Herr Igel unterbroche worde.<\/p>\n

\u201eProbier emal eis vo den\u00e4 R\u00fcebli da\u201c h\u00e4t er vorgschlage und h\u00e4t en schwere Sack volle R\u00fcebli vor d\u00e4 Gumpi uf d\u00e4 Bode gstellt. \u201eDie han ich im Ch\u00e4ller une gfunde. N\u00fctzts n\u00fct, so h\u00e4sch wenigschtens wieder emal \u00f6ppis g\u00e4sse.\u201c<\/p>\n

D\u00e4 Gumpi h\u00e4t sich eis vo den\u00e4 R\u00fcebli gschnappet und h\u00e4ts r\u00fcbisst\u00fcbis abegschluckt.<\/p>\n

\u201eMmmm, fein!\u201c h\u00e4t er wieder mit enere ganz normale Stimm gseit.<\/p>\n

Sie h\u00e4nd ihn no es Wiili lang genaustens untersuecht. D\u00e4 Gumpi h\u00e4t wieder bis ufs letschte Detail genau so usgseh wie vor em H\u00e4xeagriff und eusi Fr\u00fcnde h\u00e4nd ufgjublet.<\/p>\n

\u201eD\u00e4 Gumpi isch wieder normal! D\u00e4 Gumpi isch wieder normal!\u201c h\u00e4nd sie gsunge und sich all umarmt.<\/p>\n

\u201eS\u00e4g emal\u201c, h\u00e4t d\u00e4 Cliff d\u00e4 Gumpi gfr\u00f6get. \u201eHan ich dich scho immer ch\u00f6ne umarme, ohni dass du dich bucke muesch?\u201c<\/p>\n

Jetzt h\u00e4nd’s doch nomal genauer ane glueget.<\/p>\n

D\u00e4 Gumpi, wo vorher d\u00fctlich gr\u00f6sser gsi isch als d\u00e4 Cliff, h\u00e4t ihm jetzt genau gradus i d\u2019Auge ch\u00f6ne luege.<\/p>\n

\u201eOu nei!\u201c h\u00e4t d\u00e4 Herr Igel gruefe, woner d\u00e4 Sack mit d\u00e4 R\u00fcebli nomal aglueget h\u00e4t. \u201eDie bl\u00f6de R\u00fcebli sind ja sogar agschriebe!\u201c<\/p>\n

Schrumpfr\u00fcebli<\/strong><\/span><\/p>\n

isch i dicke, grosse Buechstabe uf em Sack gstande.<\/p>\n

D\u00e4 Gumpi isch chliiner und chliiner worde. Er isch gschrumpft, bis er nume no \u00f6ppe so gross wie es Spielz\u00fcg-R\u00f6ssli gsi isch.<\/p>\n

D\u00e4nn h\u00e4t er zum Gl\u00fcck ufgh\u00f6rt, no wiiter z’schrumpfe.<\/p>\n

\"Gumpi<\/p>\n

\u201eJa, super!\u201c h\u00e4t er gseit. \u201eJetzt han ich aber d\u2019Nase voll vo eune dumme S\u00e4ftli und bl\u00f6de Gm\u00fces. Ich wott n\u00f6d usefinde, was s\u00fcscht no alles passiert mit dem verwunschene Z\u00fcgs!\u201c<\/p>\n

Er isch i d\u2019Jagget\u00e4sche vom Herr Igel gh\u00fcpft und h\u00e4t gmeint: \u201eLos! G\u00f6mmer wiiter! Mir h\u00e4nd scho viel z\u2019viel Ziit da obe ufem H\u00e4xeberg verlore!\u201c<\/p>\n

D\u00e4 H\u00e4nger h\u00e4t sich d\u00e4 Sack mit d\u00e4 Schrumpfr\u00fceblis gschnappt und gmeint: \u201eMer weiss ja nie, \u00f6b mer die n\u00f6d doch no bruuche ch\u00f6nd\u201c. Und d\u00e4nn sind d\u00e4 Cliff, d\u00e4 H\u00e4nger und d\u00e4 Herr Igel mit em Gumpi i d\u00e4 T\u00e4sche d\u00e4 H\u00e4xeberg wieder abegwanderet und wiiter Richtig Loretanie zoge.<\/p>\n

\u201eWenn ich\u2019s richtig in Erinnerig han, chunnt jetzt nume no s\u2019un\u00fcberwindbare Meer und d\u00e4nn simmer \u00e4ndlich in Loretanie\u201c, h\u00e4t d\u00e4 Gumpi us d\u00e4 T\u00e4sche vom Herr Igel usegredet.<\/p>\n

\u201eJetzt m\u00fcemmer nume no usefinde, wie mer s\u2018un\u00fcberwindbare Meer ch\u00f6nd \u00fcberwinde.\u201c<\/p>\n

Ch\u00f6nd eusi Fr\u00fcnde au\u00a0das Problem l\u00f6se?<\/strong><\/span>
\n Ihr werdets erfahre,\u00a0nach eimal d\u00f6se.<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n