{"id":5080,"date":"2013-12-15T07:07:48","date_gmt":"2013-12-15T06:07:48","guid":{"rendered":"http:\/\/www.logoroe.ch\/?p=5080"},"modified":"2016-12-11T23:34:45","modified_gmt":"2016-12-11T22:34:45","slug":"es-flueuegends-haexehueuesli","status":"publish","type":"post","link":"https:\/\/www.logoroe.ch\/?p=5080","title":{"rendered":"Es fl\u00fc\u00fcgends H\u00e4xeh\u00fc\u00fcsli"},"content":{"rendered":"

\"\"<\/a><\/p>\n

Zwei ganze Wochen l\u00e4uft das Cliff-und-H\u00e4nger-M\u00e4rchen nun bereits und noch immer kam keine einzige Hexe darin vor! Dem wird heute schleunigst abgeholfen und dies gleich mit einem ganz \u00fcblen Exemplar dieser Gattung! Ab auf den Besen und hinein ins Kapitel 15!<\/p>\n

<\/p>\n

\n

Previously on Cliff und H\u00e4nger:<\/strong><\/span><\/p>\n

Uf d\u00e4 Reis nach Loretanie h\u00e4nd sich eusi Fr\u00fcnde imene Maisfeld verloffe. Zum Gl\u00fcck findet d\u00e4 H\u00e4nger en igsperrte Summervogel und laht en frei. Das sch\u00f6ne Tier holt n\u00e4mlich grad sini Fr\u00fcnde und bildet en Pfiil am Himmel.<\/span><\/p><\/blockquote>\n

Kapitel 15
\nEs fl\u00fc\u00fcgends H\u00e4xeh\u00fc\u00fcsli<\/h3>\n

D\u00e4 Cliff, d\u00e4 H\u00e4nger, d\u00e4 Gumpi und d\u00e4 Herr Igel sind also dem Pfiil us Summerv\u00f6gel am Himmel gfolgt. Und es isch gar n\u00f6d mal so lang gange, da h\u00e4nd sie au scho us em Maisfeld usegfunde.<\/p>\n

Sie h\u00e4nd sich welle bi d\u00e4 nette Summerv\u00f6gel bedanke, doch die sind immer no als Pfiil am Himmel gfloge.<\/p>\n

\u201eIsch guet, mini liebe Tierli, mir sind jetzt dusse\u201c, h\u00e4t d\u00e4 Cliff nach obe gruefe. \u201eMir bruuchet eue Pfiil n\u00fcme.<\/p>\n

Doch d\u2019Summerv\u00f6gel sind unbeirrt wiiter i Pfiil-Formation am Himmel gfloge. D\u00e4 Pfiil h\u00e4t sich jetzt aber es bizzeli dr\u00fcllt und h\u00e4t genau uf d\u00e4 mittleri vo dr\u00fc Berggipfel zeigt. Wo eusi Fr\u00fcnde genau ane gluegt h\u00e4nd, h\u00e4nd sie uf em Gipfel obe es chliises rots H\u00fc\u00fcsli ch\u00f6ne gseh.<\/p>\n

\u201eVermuetlich w\u00e4nd d\u2019Summerv\u00f6gel, dass mir zu dem H\u00fc\u00fcsli ue g\u00f6nd\u201c, h\u00e4t d\u00e4 Gumpi \u00fcberleit.<\/p>\n

\u201eDas w\u00fcrd ich n\u00f6d empfehle\u201c h\u00e4t \u00e4 Stimm vor ihne pl\u00f6tzlich gseit.<\/p>\n

Wie us em N\u00fc\u00fct isch ufs Mal es p\u00fcnktlet\u2019s H\u00e4sli vor ihne gstande. Es h\u00e4t en Spazierstock i d\u00e4 Hand treit und eusi Fr\u00fcnde agl\u00e4chlet.<\/p>\n

\"Hase
\n\u201eDet obe wohnt d\u2019H\u00e4x Lamontanara! Mit der\u00e4 isch d\u00e4nn gar n\u00f6d z\u2019gspasse!\u201c<\/p>\n

Sie h\u00e4nd alli nomal zum Himmel und zum Berggipfel ue glueget. D\u00e4 Pfiil vo d\u00e4 Summerv\u00f6gel h\u00e4t aber definitiv genau uf das H\u00fc\u00fcsli zeiget.<\/p>\n

Sie h\u00e4nd s\u2019H\u00e4sli welle fr\u00f6ge, \u00f6b\u2019s no meh vo der\u00e4 H\u00e4x w\u00fcssi, doch d\u00e4 luschtigi Kerli isch – gliich wie er uftaucht isch – us em N\u00fc\u00fct use au scho wieder verschwunde gsi.<\/p>\n

Jetzt isch d\u00e4 Summervogel-Pfiil pl\u00f6tzlich losgfloge, und zwar genau ufs rote H\u00fc\u00fcsli zue. Churs\u00a0bevor d\u2019Summerv\u00f6gel d\u00e4 Berggipfel erreicht h\u00e4nd, sind sie all usenander gfloge und i all Himmelsrichtige verschwunde.<\/p>\n

\u201eJa guet\u201c, h\u00e4t d\u00e4 H\u00e4nger gmeint. \u201eIch glaube, es isch eid\u00fc\u00fctig. Los gaht\u2019s det ufe!\u201c<\/p>\n

Und scho h\u00e4nd sie sich dra gmacht, d\u00e4 schweri Ufstieg zum mittlere Berggipfel unter d\u2019F\u00fcess z\u2019n\u00e4h.<\/p>\n

Wo sie \u00e4ndlich dobe acho sind, h\u00e4nd eusi Fr\u00fcnde n\u00f6d schl\u00e4cht gstuunet. S\u2019Huus vo d\u00e4 H\u00e4x Lamontanara isch ufemene ganz felsige, schr\u00e4ge Bode gstande. Wobi \u201egstande\u201c n\u00f6d w\u00fcrklich s’richtige Wort d\u00e4f\u00fcr isch, s’H\u00e4xehuus isch n\u00e4mli wie es bizzeli i d\u00e4 Luft gfloge. Zwar n\u00f6d meh als es paar wenigi Zentimeter \u00fcberem Bode, aber es isch definitiv gfloge!<\/p>\n

\u201eDas muess es eigentlich ja au\u201c, h\u00e4t d\u00e4 Herr Igel gmeint, wo sich die Sach ganz genau aglueget h\u00e4t. \u201eUf dem schr\u00e4ge Felsbode w\u00fcrs s\u00fcscht ja sofort abrutsche. Aber wie um alles i d\u00e4 W\u00e4lt chan es Huus fl\u00fc\u00fcge?\u201c<\/p>\n

Sie sind n\u00f6cher anegschliche und h\u00e4nd i die untere Feischter inegschpienzlet. Und sie h\u00e4nd n\u00f6d ch\u00f6ne glaube, was sie det inne gseh h\u00e4nd!<\/p>\n

S\u2019Erdgschoss vom H\u00e4xeh\u00fc\u00fcsli isch volle Summerv\u00f6gel gsi. Alli h\u00e4nd sie agschtrengt m\u00fcesse fl\u00fcge und mit ihrne Fl\u00fcgel flattere. Eso h\u00e4nd sie z\u00e4me s\u2019Huus genau die paar Zentimeter i d\u2019Luft ue ch\u00f6ne l\u00fcpfe.<\/p>\n

Jetzt isch em Cliff alles klar worde. \u201eAh drum h\u00e4nd eus d’Summerv\u00f6gel mit ihrem Pfiil da ane gf\u00fcehrt! D\u00e4mit mir ihri arme Kollege befreiet, wo das Huus tr\u00e4ge m\u00fcend!\u201c<\/p>\n

\u201eGar n\u00fct befreiet ihr!\u201c h\u00e4t \u00e4 alti, h\u00f6chi Stimm hinter ihne gseit.<\/p>\n

D\u2019H\u00e4x Lamontanara isch mit zwei Glasch\u00e4fig i d\u00e4 H\u00e4nd hinter ihne gstande. I jedem Ch\u00e4fig h\u00e4t sie en wiitere Summervogel igsperrt gha. Es sind genau die gliiche dursichtige Ch\u00e4fig gsi, wie d\u00e4 H\u00e4nger eine im Maisfeld gfunde h\u00e4nd.<\/p>\n

\u201eWer sind ihr und was mached ihr da?\u201c h\u00e4t d\u2019H\u00e4x welle w\u00fcsse.<\/p>\n

D\u00e4 Gumpi h\u00e4t am schn\u00e4llschte reagiert. \u201eIch bi d\u00e4 Herr Niemmert und ich mache n\u00fct da.\u201c<\/p>\n

D\u00e4 H\u00e4nger h\u00e4t gseit: \u201eIch bi d\u00e4 Herr Dursichtig und ich mache d’H\u00e4lfti vo dem, wo d\u00e4 Herr Niemmert macht.\u201c<\/p>\n

D\u00e4nn isch d\u00e4 Cliff a d\u00e4 Reihe gsi: \u201eUnd ich bi d\u00e4 Herr N\u00f6d-Da und ich mache dopplet so wenig wie d\u00e4 Herr Niemmert und d\u00e4 Herr Dursichtig z\u00e4me.\u201c<\/p>\n

D\u00e4 Herr Igel h\u00e4t au no \u00f6ppis welle s\u00e4ge, doch d\u2019H\u00e4x Lamontanara isch im bevor cho:<\/p>\n

\u201eRueh jetzt, ihr Witzbolde! Bi d\u00e4 H\u00e4x Lamontanara git’s n\u00fct z’lache!\u201c<\/p>\n

Sie h\u00e4t ihri beide Ch\u00e4fig uf d\u00e4 Bode gschtellt. D\u00e4nn h\u00e4t sie unter ihrem Mantel en alte Zauberstab f\u00fcregholt. Mit dem h\u00e4t sie uf eusi Fr\u00fcnde zeiget und dad\u00e4bi en f\u00fcrchterlich t\u00f6nende Zauberspruch gmurmlet.<\/p>\n

Was f\u00fcehrt die H\u00e4x\u00a0d\u00e4nn \u00e4cht im Schild?<\/strong><\/span>
\n Morn wird\u2019s wieder\u00a0so richtig wild!<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n