{"id":5078,"date":"2013-12-14T07:07:11","date_gmt":"2013-12-14T06:07:11","guid":{"rendered":"http:\/\/www.logoroe.ch\/?p=5078"},"modified":"2016-12-11T23:34:58","modified_gmt":"2016-12-11T22:34:58","slug":"dae-schnaell-wachsendi-mais","status":"publish","type":"post","link":"https:\/\/www.logoroe.ch\/?p=5078","title":{"rendered":"D\u00e4 schn\u00e4ll wachsendi Mais"},"content":{"rendered":"

\"cliff<\/a>„Zur\u00fcck zur Natur“ heisst es immer, doch manchmal kann diese ganz sch\u00f6n gef\u00e4hrlich sein. Vor allem, wenn man auf einem Feld \u00fcbernachtet, welches offenbar mit einem unglaublichen Superd\u00fcnger gepflegt worden ist. Gr\u00fcner Daumen ausgestreckt und hinein ins Kapitel Nr. 14!<\/p>\n

<\/p>\n

\n

Previously on Cliff und H\u00e4nger:<\/strong><\/span><\/p>\n

Uf em W\u00e4g nach Loretanie h\u00e4nd eusi Helde scho es Dichte-W\u00e4ldli, en Schw\u00e4tz-Schwabbel und en Sturz vonere H\u00e4ngebrugg \u00fcberlebt. Zurziit hocked sie i dr\u00fc K\u00e4nguru-Taxis ine und ch\u00f6med ihrem Ziel immer n\u00f6cher.<\/span><\/p><\/blockquote>\n

Kapitel 14
\nD\u00e4 schn\u00e4ll wachsendi Mais<\/h3>\n

Die dr\u00fc K\u00e4nguruhs und d\u00e4 Gumpi sind d\u00e4 ganzi Tag lang ohni ei einzigi Pause unterw\u00e4gs gsi. Wo\u2019s am Abig langsam dunkel worde isch, h\u00e4t d\u00e4 Gumpi nach emene Pl\u00e4tzli zum \u00dcbernachte umeglueget.<\/p>\n

Sie sind grad zmitzt ufemene Ackerfeld gsi, das isch so gross gsi, dass sie weder d\u00e4 Afang no s\u2019\u00c4ndi d\u00e4vo h\u00e4nd ch\u00f6ne gseh.<\/p>\n

\u201eCh\u00f6med! Mir mached \u00e4 Pause und leged eus da zur Rueh\u201c, h\u00e4t d\u00e4 Gumpi empfohle.<\/p>\n

\u201eDas find ich ganz \u00e4 gueti Idee\u201c, h\u00e4t d\u00e4 Herr Igel gmeint. Ihm isch n\u00e4mli langsam aber sicher schl\u00e4cht worde vom viele Umeh\u00fcpfe.<\/p>\n

D\u00e4 Cliff h\u00e4t no well\u00e4 fr\u00f6ge, was d\u00e4nn \u00e4cht das Schild mit d\u00e4 Ufschrift „Superd\u00fcnger-Mais“ bed\u00fcte w\u00fcrd, wo zmitzt im Feld ine gsteckt h\u00e4t, aber er isch viel z’m\u00fced gsi.<\/p>\n

Sie h\u00e4nd sich es chliises Lager igrichtet und sind all z\u00e4me r\u00e4cht schn\u00e4ll igschlafe.<\/p>\n

Wo d\u2019Sunne ufgange isch, h\u00e4nd sie ihrne Auge n\u00f6d traut.<\/p>\n

Sie sind zwar immer no zmitzt ufeme Feld gl\u00e4ge, aber jetzt isch um sie ume alles volle Mais gsi! Und was f\u00fcr en Mais! D\u2019St\u00e4ngel sind all dr\u00fc oder sogar vier Meter h\u00f6ch in Himmel ue gwachse!<\/p>\n

Det\u00e4, wo d\u2019K\u00e4ngurus \u00fcbernachtet h\u00e4nd, isch nume no en Zettel gl\u00e4ge:<\/p>\n

Mir sind wieder zrugg gange.
\nMais h\u00e4mmer n\u00f6d so gern.
\nViel Gl\u00fcck bim Prinz\u00e4ssin befreie!
\nEui K\u00e4nguruhs
\nSpicki, Gumpi und Boing.<\/strong><\/span><\/p>\n

So sind d\u00e4 Cliff, d\u00e4 H\u00e4nger, s’R\u00f6ssli Gumpi und d\u00e4 Herr Igel \u00e4llei zmitzt imene riesige Maisfeld gsi und h\u00e4nd n\u00fcme gw\u00fcsst, woher sie cho sind und i welli Richtig sie wiiter h\u00e4nd welle.<\/p>\n

\u201eH\u00e4mmer das Problem n\u00f6d im Wald bi d\u00e4 Dichtene scho mal gha?\u201c h\u00e4t d\u00e4 Cliff \u00fcberleit. \u201eDet h\u00e4mmer doch d\u2019Orientierig au verlore. H\u00e4nd n\u00f6d Sie, Herr Igel, eus d\u00e4nn us d\u00e4 Patsche ghulfe?\u201c<\/p>\n

\u201eNat\u00fcrlich! D\u00e4 Herr Igel hilft wo er cha. Und wenn mer d\u00e4 Herr Igel bruucht, d\u00e4nn isch d\u00e4 Herr Igel zur Stell!\u201c<\/p>\n

Stolz isch er vorus marschiert, aber nume grad bis zur \u00fcbern\u00e4chschte Maispflanze. I die isch d\u00e4 Herr Igel d\u00e4nn – P\u00e4ff! – inegloffe und h\u00e4t d\u2019Nase agschlage.<\/p>\n

\u201eEhrlich gseit weiss ich das Mal au n\u00f6d wiiter\u201c h\u00e4t er m\u00fcesse zuegeh und h\u00e4t sich d\u2019Nase griebe.<\/p>\n

Sie h\u00e4nd beschlosse, dass sie eifach unbedingt alli vier z\u00e4me m\u00fcend bliebe, d\u00e4mit ja keine vo ihne verlore gaht. Mehreri Stunde lang h\u00e4nd sie versuecht, us em Maisfeld use\u2019z\u2019finde. Doch das isch unm\u00f6glich gsi. D\u2018Pflanzene sind alli so h\u00f6ch gsi, dass sie i kei Richtig h\u00e4nd ch\u00f6ne luege und so sie sind hoffnigslos umenander g’irrt.<\/p>\n

Wo sie scho fascht h\u00e4nd welle ufgeh, isch f\u00fcr eimal d\u00e4 H\u00e4nger fascht \u00fcber \u00f6ppis ufem Bode gstolperet.<\/p>\n

\u201eWarted mal\u201c h\u00e4t er d\u00e4 anderne zuegruefe und h\u00e4t sich t\u00fc\u00fcf abebuckt.<\/p>\n

\"SommervogelAm Bode isch en chliine Ch\u00e4fig us Glas gsi, d\u00e4 h\u00e4t usgseh wien\u00e4 dursichtigi Muusfalle. Det ine isch aber kei Muus igschperrt gsi, sondern en chliine, wundersch\u00f6ne Summervogel. Er h\u00e4t d\u00e4 H\u00e4nger mit truurige Auge aglueget wie wenn er s\u00e4ge m\u00f6chti: Lass mich frei bitte, lass mich frei!<\/p>\n

Nat\u00fcrlich h\u00e4t d\u00e4 H\u00e4nger das d\u00e4nn au grad gmacht. Er h\u00e4t d\u2018Summervogelfalle vo obe ch\u00f6ne umache und h\u00e4t d\u00e4 pr\u00e4chtigi Schm\u00e4tterling use flattere lah.<\/p>\n

D\u00e4 chlii Summervogel isch z\u2019erscht es paar Mal um d\u2019Nase vom H\u00e4nger gfloge, wie wenn er sich bedanke m\u00f6chti, h\u00e4t d\u00e4nn d\u00e4 Cliff, d\u00e4 Gumpi und d\u00e4 Herr Igel zwei, dr\u00fc Mal umrundet und isch \u00fcber d\u2019Maispflanzene ine d\u00e4vo gfloge.<\/p>\n

Eusi Fr\u00fcnde h\u00e4nd ihm lang nahglueget, doch d\u00e4nn isch er scho us ihrem Blickwinkel verschwunde gsi. Wer h\u00e4t \u00e4cht au die komischi Summervogelfalle ufgstellt? Und wohere isch d\u00e4 befreitii Summervogel wohl gfloge?<\/p>\n

Sie h\u00e4nd churz \u00fcber die Fragene nahd\u00e4nkt, doch d\u00e4nn isch ihne wieder klar worde, dass sie ja eigentlich es viel gr\u00f6ssers Problem gha h\u00e4nd. Wie ch\u00f6med sie bloss wieder us dem verflixte Maisfeld use?<\/p>\n

Da isch pl\u00f6tzlich \u00f6ppis Seltsams am Himmel passiert! Ufs Mal isch d\u00e4 chlini Summervogel zrugg cho, aber n\u00f6d \u00e4llei! Er h\u00e4t hundert, nei tuusig, ja vermuetlich sogar meh als z\u00e4htuusig anderi Schm\u00e4tterling mit d\u00e4bi gha. All die Summerv\u00f6gel z\u00e4me h\u00e4nd am Himmel en riesige Pfiil bildet. En Pfiil us Summerv\u00f6gel, wo i ei Richtig zeigt h\u00e4t und der\u00e4 Richtig sind eusi Fr\u00fcnde jetzt nah gloffe.<\/p>\n

\"Sommervogelpfeil\"<\/p>\n

Helfed d\u2019Summerv\u00f6gel\u00a0<\/strong><\/span>us em Maisfeld use?<\/strong><\/span>
\n Das erfahred ihr\u00a0<\/strong><\/span>nach eimal Pfuuse.<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n