{"id":5072,"date":"2013-12-11T07:07:32","date_gmt":"2013-12-11T06:07:32","guid":{"rendered":"http:\/\/www.logoroe.ch\/?p=5072"},"modified":"2016-12-11T23:36:14","modified_gmt":"2016-12-11T22:36:14","slug":"dae-schwaetz-schwabbel-wird-ustrickst","status":"publish","type":"post","link":"https:\/\/www.logoroe.ch\/?p=5072","title":{"rendered":"D\u00e4 Schw\u00e4tz-Schwabbel wird ustrickst"},"content":{"rendered":"

\"\"<\/a><\/p>\n

Heute gibt’s in Cliff & H\u00e4nger den ersten Toten, wie es sich f\u00fcr eine Kindergeschichte geh\u00f6rt! Allzu schade ist es jedoch nicht um ihn, denn die Welt wird ab morgen ein deutlich ruhigeres und angenehmeres Pl\u00e4tzchen sein als noch vor diesem Kapitel!<\/p>\n

<\/p>\n

 <\/p>\n

\n

Previously on Cliff und H\u00e4nger:<\/strong><\/span><\/p>\n

Eusi vier Helde sind mit d\u00e4 Giggeli-Zwerge unterwegs i d\u00e4 t\u00fc\u00fcfe H\u00f6hleg\u00e4ng vo d\u00e4 Giggeli-Berge. Pl\u00f6tzlich taucht en Schw\u00e4tz-Schwabbel vor ihne uf!<\/span><\/p><\/blockquote>\n

Kapitel 11
\nD\u00e4 Schw\u00e4tz-Schwabbel wird ustrickst<\/h3>\n

Vor d\u00e4 Zwergeschar und eusne Fr\u00fcnde h\u00e4t sich en riesige Schw\u00e4tz-Schwabbel ufgrichtet! Er h\u00e4t f\u00fcrchterlich usgseh und h\u00e4t ihne d\u00e4 W\u00e4g komplett versperrt.<\/p>\n

Schw\u00e4tz-Schwabbel, m\u00fcend ihr w\u00fcsse, sind ganz gf\u00f6hrlichi Monschter. Sie l\u00e4bed t\u00fc\u00fcf unter d\u00e4 Erde und best\u00f6nd usere gruusig glitschige, gr\u00fcene Masse. I der\u00e4 ine h\u00e4t’s eigentlich nume zwei Auge und es riesigs Muul. Obedruf h\u00e4t en Schw\u00e4tz-Schwabbel zwei gr\u00fceni H\u00f6rner.<\/p>\n

Wenn die Monschter uf es arms Opfer tr\u00e4ffed, schw\u00e4tzed sie sofort los! S\u00e4lber d\u00f6rf mer d\u00e4nn ja n\u00fct s\u00e4ge, mer muess aber unbedingt immer mit em Chopf nicke und mit „Mhh hmm. Mhh hmm“ em Schw\u00e4tz-Schwabbel r\u00e4cht geh. Egal was d\u00e4 so seit.<\/p>\n

Mag mer das n\u00fcme mache, d\u00e4nn isch mer verlore! D\u00e4nn chr\u00fccht d\u00e4 Schw\u00e4tz-Schwabbel \u00fcber eine ie und mer isch f\u00fcr immer i ihm ine gfange!<\/p>\n

Au d\u00e4vor\u00e4nne chamer emene Schw\u00e4tz-Schwabbel unm\u00f6glich. Versuecht mer das n\u00e4mli, so schwabbled das Ding blitzschn\u00e4ll los und verw\u00fctschet au d\u00e4 allerschn\u00e4llschti R\u00e4nner.<\/p>\n

Mer h\u00e4t gege nen Schw\u00e4tz-Schwabbel also so guet wie kei Chance. Es h\u00e4t au no nie \u00f6pper geh, wo en Schw\u00e4tz-Schwabbel troffe h\u00e4t und mit em L\u00e4be d\u00e4vo cho w\u00e4r!<\/p>\n

Die einzig Schwachstell, wo die Schw\u00e4tz-Schwabbel h\u00e4nd, sind ihri Auge. Will sie ja wiit unter d\u00e4 Erde l\u00e4bed, wo’s so guet wie immer stockdunkel isch, gsehnd d’Schw\u00e4tz-Schwabbel nur sehr sehr schl\u00e4cht.<\/p>\n

Das h\u00e4nd d’Giggeli-Zwerge gw\u00fcsst und sie h\u00e4nd sofort versuecht das us’z’n\u00fctze.<\/p>\n

\"Schw\u00e4tzschwabbel\"<\/p>\n

W\u00e4hrend d\u00e4 vorderschti Zwerg ganz stiif vor em Schw\u00e4tz-Schwabbel stahbliebe isch, sind die andere all superschn\u00e4ll hinter die n\u00e4chschte H\u00f6hlefelse gumped und h\u00e4nd sich det versteckt. D\u00e4 Schw\u00e4tz-Schwabbel h\u00e4t i d\u00e4 Zw\u00fcscheziit scho agfange, uf d\u00e4 erschti Zwerg i’z’schw\u00e4tze.<\/p>\n

„Ja lueg au da, en Zwerg! Was macht d\u00e4nn so en Zwerg so ganz \u00e4llei t\u00fc\u00fcf da under d\u00e4 Erde? Weiss er n\u00f6d, dass es da gf\u00f6hrlich isch? Es h\u00e4t allerlei Gselle da une. N\u00f6d, dass es dobe besser w\u00e4r. Det isch es sogar au no viel z’hell! Min guete Ururur-Grossvater h\u00e4t immer gseit, es isch dobe wie dunde s’gliich. Ja, er isch en glatte Cheib gsi, min Urururur-Grossvater. Oder isch es doch d\u00e4 Ururururur-Grossvater gsi? Wie au immer, vo was han ich eigentlich gredt? Ah ja, ich han ja \u00e4ndlich wieder emal en Zueh\u00f6rer. Es isch s\u00e4lte\u00a0gnueg, dass das vorchunnt. S’letscht Mal\u00a0isch sicher scho meh\u00a0als dr\u00fc Jahr her, wo\u00a0ich sones herzigs\u00a0Zwergli atroffe\u00a0han. D’Zwerge\u00a0sind aber au w\u00fcrklich netti Gschtalte. Min Ururururur-Grossvater h\u00e4t immer gseit, lieber en Zwerg i d\u00e4 Hand als en Ries i d\u00e4 Pfanne. Ja, min Ururururur-Grossvater isch w\u00fcrklich en witzige Schwabbel gsi.“<\/p>\n

Und so isch es wiiter gange. D\u00e4 Schw\u00e4tz-Schwabbel h\u00e4t gredt und gredt und gredt. Vom W\u00e4tter, vo d\u00e4 Jahresziite, dass fr\u00fcehner alles besser gsi seg und und und und und.<\/p>\n

D\u00e4 armi Zwerg vor ihm h\u00e4t tapfer zueglost, immer sch\u00f6n gnickt und „Mhh hmm“ gseit, doch nach es paar Stunde h\u00e4t er langsam aber sicher n\u00fcm m\u00f6ge. Em Schw\u00e4tz-Schwabbel isch scho s’Wasser im Muul z\u00e4me gloffe, doch da isch superschn\u00e4ll en andere Zwerg vor d\u00e4 erschti ane gumpet. D\u00e4 wiederum isch schnuerstracks hinter d\u00e4 n\u00e4chschti H\u00f6hlefelse gschprunge und h\u00e4t sich det vo dem viele Glabber ch\u00f6ne erhole.<\/p>\n

D\u00e4 Schw\u00e4tz-Schwabbel isch so mit Red\u00e4 besch\u00e4ftigt gsi, dass er vo dem W\u00e4chsel n\u00fct mit\u00fcbercho h\u00e4t. Er h\u00e4t eifach wiiter gredet.<\/p>\n

D\u00e4 Trick h\u00e4nd d’Zwerge immer wieder wiederholt, dr\u00fc ganzi T\u00e4g lang. Und d\u00e4nn isch es passiert!<\/p>\n

Em Schw\u00e4tz-Schwabbel sind d’Wort usgange!<\/p>\n

Er h\u00e4t gstutzt und h\u00e4t ganz nerv\u00f6s \u00fcberleit, was er no s\u00e4ge ch\u00f6nnt, aber d\u00e4 Schw\u00e4tz-Schwabbel h\u00e4t alles, wo’s git, scho gseit, und das sogar scho mehrmals.<\/p>\n

Jetzt h\u00e4t d\u00e4 Schw\u00e4tz-Schwabbel agfange l\u00fc\u00fcchte. Er h\u00e4t sich ufblase und isch gr\u00f6sser und gr\u00f6sser worde. D\u00e4nn isch er mit emene luute Knall vert\u00e4tscht und sini schlabbrigi Masse h\u00e4t’s\u00a0i d\u00e4 ganze H\u00f6hli umegspr\u00fctzt.<\/p>\n

Hunderti vo Zwerge, Tier und anderi Wese sind gl\u00fccklich unter em chl\u00e4brige Rescht vom Schw\u00e4tz-Schwabbel f\u00fcre kroche.<\/p>\n

„Ihr h\u00e4nd eus befreit! Mir sind alles armi Gsch\u00f6pf, wo fr\u00fcehner vo dem Schwabbel gfange worde sind. Danke viel mal!“<\/p>\n

All z\u00e4me h\u00e4nd schl\u00fcnigscht us d\u00e4 H\u00f6hli use well\u00e4, doch da h\u00e4nd sie feststelle m\u00fcesse, dass d\u00e4 Usgang komplett mit em Gschlabber vom verchl\u00f6pfte Schw\u00e4tz-Schwabbel zuekl\u00e4bt gsi isch.<\/p>\n

„Da ch\u00f6med mer ja nie meh use“, h\u00e4t d\u00e4 Gumpi gjammeret.<\/p>\n

Ganz en alte Zwerg isch jetzt f\u00fcre cho und h\u00e4t echli gh\u00fceschtelet.<\/p>\n

„Es g\u00e4bti da scho \u00e4 L\u00f6sig“ h\u00e4t er gmeint und h\u00e4t mit d\u00e4 Finger ganz gheimnisvoll uf d’Wand n\u00e4bed em Usgang zeiget.<\/p>\n

Was h\u00e4t \u00e4cht d\u00e4 alti\u00a0Zwerg f\u00fcr \u00e4 Idee?<\/strong><\/span>
\n Morn, liebi Chinde,\u00a0w\u00fcssed mer meh.<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n