{"id":5066,"date":"2013-12-08T07:07:05","date_gmt":"2013-12-08T06:07:05","guid":{"rendered":"http:\/\/www.logoroe.ch\/?p=5066"},"modified":"2016-12-11T23:37:19","modified_gmt":"2016-12-11T22:37:19","slug":"en-wald-volle-dichte","status":"publish","type":"post","link":"https:\/\/www.logoroe.ch\/?p=5066","title":{"rendered":"En Wald volle Dichte"},"content":{"rendered":"

\"\"<\/a>Bei Cliff & H\u00e4nger geht’s heute los in Richtung Loretanien! Doch schon nach k\u00fcrzester Zeit sehen sich unsere Helden dem ersten Hindernis gegen\u00fcber. Ein poetisches W\u00e4ldchen l\u00e4sst nicht mit sich spassen, sondern reimen…<\/span><\/p>\n

<\/p>\n

 <\/p>\n

\n

Previously on Cliff und H\u00e4nger:<\/strong><\/span><\/p>\n

Nachdem s’R\u00f6ssli Gumpi em Cliff und em H\u00e4nger verzellt h\u00e4t, dass d\u00e4 Herzog vo M\u00f6hretal d’Prinz\u00e4ssin Lea entf\u00fcehrt und in en Turm gsperrt h\u00e4t, mached sich die dr\u00fc uf in Richtig Loretanie.<\/span><\/p><\/blockquote>\n

Kapitel 8
\nEn Wald volle Dichte<\/h3>\n

D\u00e4 Cliff, d\u00e4 H\u00e4nger und d\u00e4 Gumpi h\u00e4nd also en Entschluss gfasst! Sie g\u00f6nd go d’Prinz\u00e4ssin befreie. Doch wie s\u00f6lled’s das bloss astelle? Wo liegt s’K\u00f6nigriich Loretanie \u00fcberhaupt?<\/p>\n

D\u00e4 Gumpi h\u00e4t nat\u00fcrlich wiiter gw\u00fcsst.<\/p>\n

„S’K\u00f6nigriich Loretanie befindet sich \u00f6ppe 10 Tagesritt vo da entfernt. Es isch en lange und beschwerliche W\u00e4g, unter anderem \u00fcber d\u2019Giggeli-Berge und \u00fcber s\u2019un\u00fcberwindbare Meer. Aber als allererschts m\u00fcemmer d\u00e4 Wald da durquere.“<\/p>\n

„Ja d\u00e4nn n\u00fct wie los!“ h\u00e4t d\u00e4 H\u00e4nger gruefe, doch d\u00e4 Gumpi h\u00e4t no z\u00f6geret.<\/p>\n

„Es isch eifach so“, h\u00e4t er gmeint, „dass d\u00e4 Wald, wo mir dure m\u00fcend, kein normale Wald isch. Also, am Afang isch er das scho no, aber echli t\u00fc\u00fcfer ine isch alles volle Dichte-Tanne und die sind extrem gf\u00f6hrlich!“<\/p>\n

„Du meinsch wohl Fichte-Tanne“ h\u00e4t ihn d\u00e4 Cliff korrigiert.<\/p>\n

„Nei. Es sind w\u00fcrklich Dichte-Tanne. Die B\u00e4um ch\u00f6nd rede und sie schw\u00e4tzed mit allne, wo a ihne verbi w\u00e4nd. S’Problem isch, dass mer ihne muess antworte und dass die Antworte sich unbedingt uf d’Frage vo d\u00e4 B\u00e4um reime m\u00fcend. Verst\u00f6nd er? Git mer en Antwort, wo sich n\u00f6d uf d’Frag reimt, so isch mer f\u00fcr immer verlore.“<\/p>\n

„Das isch ja famos, d\u00e4nn g\u00f6mmer los!“ h\u00e4t d\u00e4 H\u00e4nger sich f\u00fcrs Dichte warm gmacht und ab sind eusi dr\u00fc Fr\u00fcnde in Wald ine.<\/p>\n

Es Wiili lang isch alles ruhig bliebe, doch d\u00e4nn h\u00e4t d\u00e4 Gumpi pl\u00f6tzlich „Pscht!“ gfl\u00fcschteret.<\/p>\n

„Ich glaub, mir ch\u00f6med jetzt zu d\u00e4 erschte Dichtene! Passed ja uf, was ihr s\u00e4ged! Eis falsches Wort und eusi Reis findet es sofortigs \u00c4ndi!“<\/p>\n

\"Dichte\"Und scho isch es los gange!<\/p>\n

„Wen gsend mini \u00c4scht dur d\u00e4 Wald da laufe?“ h\u00e4t \u00e4 die erscht Dichte grad n\u00e4bedem Gumpi gfr\u00f6get und sich t\u00fc\u00fcf zu eusne Fr\u00fcnde abeboge!<\/p>\n

D\u00e4 Cliff h\u00e4t n\u00f6d lang m\u00fcesse studiere: „Dr\u00fc Fr\u00fcnde simmer und mir w\u00e4nd n\u00fct chaufe!“<\/p>\n

D’Tanne h\u00e4t sich wieder grad ufgrichtet, aber scho h\u00e4t d\u00e4 n\u00e4chschti Baum sini Frag gschtellt: „Was mached ihr, wo w\u00e4nd ihr hi?“<\/p>\n

„D’Prinz\u00e4ssin go rette, l\u00f6nd eus verbi!“ Em Cliff h\u00e4t das Spieli langsam afange gfalle.<\/p>\n

Ei Dichte isch nebed d\u00e4 andere gstande und immer, wenn sie mit emene passende Reim a einere verbi cho sind, h\u00e4t scho die n\u00e4chschti Dichte ihri Frag gstellt!<\/p>\n

„Wie w\u00e4nd ihr Knilche d\u00e4nn das astelle?“ – „Mir h\u00e4nd kei Ziit, euse Plan z’verzelle.“<\/p>\n

„H\u00e4nd ihr d\u00e4nn \u00fcberhaupt en Plan?“ – „Ja, aber d\u00e4 isch gfr\u00e4sse worde vomene Schwan.“<\/p>\n

„W\u00e4nd ihr mir en B\u00e4r ufbinde?“ – „Nei, das w\u00e4r n\u00f6d guet f\u00fcr dini Rinde.“<\/p>\n

„Dini Antworte sind guet, bisch du en Dichter?“ – „Nei, i mim Chopf h\u00e4t’s eifach en Reimli-Trichter.“<\/p>\n

Und so isch es wiiter gange, Dichte f\u00fcr Dichte. Jedi Tanne h\u00e4t ihri Frag gstellt und jedes Mal h\u00e4t d\u00e4 Cliff en Reim parat gha.<\/p>\n

Als allerletschts isch die gr\u00f6schti und \u00e4ltischti Dichte a d’Reihe cho. Sie h\u00e4t sich \u00e4chzend zum Cliff abeboge, h\u00e4t ihn lang und genau gmuschteret und h\u00e4t d\u00e4nn liislig und gheimnisvoll ihri Frag gstellt:<\/p>\n

„Wenn zw\u00e4nzg Gurke Fl\u00f6te spieled, wem fehlt d\u00e4nn d\u00e4 Nuggi?“<\/p>\n

Jetzt isch d\u00e4 Cliff baff gsi. Was hett die Frag bloss s\u00f6lle? Was f\u00fcr Gurke? Wie s\u00f6lled die Fl\u00f6te spiele? Und was h\u00e4t das mit emene Nuggi z’tue?<\/p>\n

Aber das h\u00e4t ja gar kei Rolle gspielt. Sini Antwort h\u00e4t sich ja numme uf Nuggi m\u00fcesse reime.<\/p>\n

Bloss, was reimt sich uf Nuggi? D\u00e4 Cliff h\u00e4t chrampfhaft studiert.<\/p>\n

Buggi, Tuggi, Chuggi, Ruggi, Suggi, Luggi, Schuggi, Muggi, Guggi?<\/p>\n

Es isch ihm n\u00fct igfalle. Die grossi, alti Dichte h\u00e4t sich langsam ufgrichtet und vo wiit obe uf d\u00e4 Cliff und sini Fr\u00fcnde abeglueget. No immer h\u00e4t sie uf \u00e4 Antwort gwartet.<\/p>\n

Zu allem Elend h\u00e4t d\u00e4 Gumpi genau i dem Moment m\u00fcesse n\u00fcsse und ohni z’\u00dcberlegge h\u00e4t d\u00e4 Cliff „Gsundheit“ gseit!<\/p>\n

Gsundheit! Er h\u00e4t „Gsundheit“ gseit! Und Gsundheit reimt sich definitiv n\u00f6d uf Nuggi!<\/p>\n

Uf’s Mal h\u00e4t’s fescht afange st\u00fcrme im Wald. D’Dichtene h\u00e4nd sich wild hi und her bewegt, ihri Tannez\u00e4pfe h\u00e4nd sich vo d\u00e4 \u00c4scht gl\u00f6st und sind zu Tuusigne i Richtig vo eusne Fr\u00fcnde abegheit!<\/p>\n

Isch das vo der\u00e4\u00a0Gschicht scho s’\u00c4ndi?<\/strong><\/span>
\nOder git’s morn doch nomal \u00e4 W\u00e4ndi?<\/strong><\/span><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/p>\n

Bisher erschienen:<\/em><\/p>\n