{"id":5059,"date":"2013-12-05T07:07:19","date_gmt":"2013-12-05T06:07:19","guid":{"rendered":"http:\/\/www.logoroe.ch\/?p=5059"},"modified":"2016-12-11T23:37:41","modified_gmt":"2016-12-11T22:37:41","slug":"vo-dae-prinzaessin-lea-em-koenig-lolo-und-emene-truurige-kerli","status":"publish","type":"post","link":"https:\/\/www.logoroe.ch\/?p=5059","title":{"rendered":"Vo d\u00e4 Prinz\u00e4ssin Lea, em K\u00f6nig Lolo und emene truurige Kerli"},"content":{"rendered":"

\"cliff<\/a>Es ist soweit! Die Geschichte in der Geschichte geht heute los. Und dies mit scharf und allem! Singende Prinzessinnen, sich sorgende V\u00e4ter und ein Tyrann vom Feinsten! Cliff & H\u00e4nger Kapitel 5 hat es in sich!<\/p>\n

<\/p>\n

 <\/p>\n

\n

Previously on Cliff und H\u00e4nger:<\/strong><\/span><\/p>\n

Uf d\u00e4 Reis nach Loretanie, wo d\u00e4 Cliff und d\u00e4 H\u00e4nger d’Prinz\u00e4ssin Lea w\u00e4nd go rette, lerned die beide s’R\u00f6ssli Gumpi k\u00e4nne. Und das R\u00f6ssli weiss GANZ viel z’verzelle!<\/span><\/p><\/blockquote>\n

Kapitel 5
\nVo d\u00e4 Prinz\u00e4ssin Lea, em K\u00f6nig Lolo
\nund emene truurige Kerli<\/h3>\n

D\u00e4 Gumpi isch en Volltreffer gsi f\u00fcr d\u00e4 Cliff und d\u00e4 H\u00e4nger. Das herzige Ross h\u00e4t ihne verzellt, dass es eigentlich us em Stall vo d\u00e4 Prinz\u00e4ssin Lea stammi und dass es grosses Ungl\u00fcck \u00fcber ihres K\u00f6nigriich Loretanie cho seg.<\/p>\n

Gspannt und muggsm\u00fcslistill h\u00e4nd d\u00e4 Cliff und d\u00e4 H\u00e4nger em Gumpi zuegloset.<\/p>\n

\"SingendeD’Lea isch die sch\u00f6nschti Prinz\u00e4ssin gsi, wo je im K\u00f6nigriich Loretanie gl\u00e4bt h\u00e4t. Jede Morge, grad nach em Ufstah, isch sie uf d\u00e4 gr\u00f6schti Balkon vom Schloss gstande und h\u00e4t gsunge.<\/p>\n

Ihri Stimm isch wie es Wunder gsi. Im ganze Land h\u00e4t mer sie gh\u00f6rt und \u00fcberall h\u00e4nd d’B\u00e4um agfange i d\u00e4 sch\u00f6nschte Farbe z’bl\u00fcehe, Summerv\u00f6gel sind \u00fcber d’F\u00e4lder gfloge, ja s\u00e4lbscht die chlinschti Wulchene h\u00e4nd sich verzoge und all L\u00fc\u00fct sind jede Morge gl\u00fccklich und zfriede ufgwachet. Egal, was f\u00fcr Sorge oder N\u00f6t sie gha h\u00e4nd, chum h\u00e4t d’Prinz\u00e4ssin Lea f\u00fcr sie gsunge, isch es allne eifach nume no guet gange.<\/p>\n

\"K\u00f6nigIhre Vater, d\u00e4 K\u00f6nig Lolo, isch m\u00e4chtig stolz uf sis T\u00f6chterli gsi. Er h\u00e4t sie \u00fcber alles gliebt und h\u00e4t ihre jede Wunsch erf\u00fcllt, egal wie gross er au gsi isch.<\/p>\n

Eines Tages h\u00e4t d’Prinz\u00e4ssin Lea welle h\u00fcrate.<\/p>\n

A dem Tag isch es em K\u00f6nig Lolo n\u00fcm so guet gange.<\/p>\n

Sis T\u00f6chterli! H\u00fcrate! Gar am End no en Prinz us emene wiit entfernte Land!<\/p>\n

D\u00e4nn w\u00fcrd er sini Lea ja gar n\u00fcme viel gseh und au mit ihrem Singe f\u00fcr sis Volk w\u00e4rs viellicht f\u00fcr immer us und verbi!<\/p>\n

D\u00e4 K\u00f6nig Lolo h\u00e4t studiert und \u00fcberleit. Er h\u00e4t sini gschiedschte Berater um Hilf b\u00e4te, doch niemmert h\u00e4t \u00e4 L\u00f6sig gha.<\/p>\n

Eine h\u00e4t sogar gmeint, er, d\u00e4 K\u00f6nig, m\u00fcessi d’Lea halt gah lah, so gern er sie au hebi, aber d\u00e4 einzig, wo d\u00e4 K\u00f6nig drufabe gah lah h\u00e4t, isch d\u00e4 Berater mit der\u00e4 bl\u00f6de Idee gsi.<\/p>\n

Und w\u00e4hrenddem d\u00e4 K\u00f6nig Lolo und sini Berater so hi und her \u00fcberleit h\u00e4nd, h\u00e4t pl\u00f6tzlich d\u00e4 Herzog vo M\u00f6hretal um \u00e4 Audienz bim K\u00f6nig b\u00e4te.<\/p>\n

D\u00e4 Herzog vo M\u00f6hretal isch en komische Herrscher us emene entfernte Tal gsi, em M\u00f6hretal. Er isch immer f\u00fcrchterlich azoge gsi und niemmert h\u00e4t ihn m\u00f6ge.<\/p>\n

D\u00e4 L\u00fc\u00fct im M\u00f6hretal isch es gar n\u00f6d guet gange. Sie h\u00e4nd fascht alles vo ihrere Ernti m\u00fcesse em Herzog abg\u00e4h. So guet wie n\u00fct h\u00e4nd sie d\u00f6rfe f\u00fcr sich bhalte.<\/p>\n

S’ganze Land isch grau und chalt gsi und niemmert h\u00e4t gern det\u00e4 gl\u00e4bt.<\/p>\n

Em Herzog vo M\u00f6hretal isch das schnurzpiepenegal gsi. Dank dem sis dumme Volk ihm immer fascht die ganz Ernti abgeh h\u00e4t, h\u00e4t er s\u00e4lber immer gnueg z’\u00e4sse gha und was sini Untertane gmuulet h\u00e4nd, das h\u00e4t ihn nicht die Bohne interessiert.<\/p>\n

Trotzdem w\u00e4r’s ebe scho no agnehm gsi und au echli eifacher, wenn er d’Mensche i sim Land hetti ch\u00f6ne usb\u00fc\u00fcte und die dad\u00e4bi sogar no gl\u00fccklich und zfriede gsi w\u00e4red.<\/p>\n

Und wo er vo d\u00e4 Prinz\u00e4ssin Lea erfahre h\u00e4t, vo ihrem Gsangszauber und vo d\u00e4 Sorge vom K\u00f6nig Lolo, da h\u00e4t er en furchtbare Plan gfasst!<\/p>\n

Was f\u00fcehrt d\u00e4 Herzog \u00e4cht im Schild?<\/span><\/strong>
\n Morn setzt d\u00e4 Gumpi eu is Bild.<\/span><\/strong><\/p>\n

\u00a0\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n