{"id":4998,"date":"2013-12-03T07:07:48","date_gmt":"2013-12-03T06:07:48","guid":{"rendered":"http:\/\/www.logoroe.ch\/?p=4998"},"modified":"2016-12-11T23:37:53","modified_gmt":"2016-12-11T22:37:53","slug":"hallo-min-name-isch-haenger","status":"publish","type":"post","link":"https:\/\/www.logoroe.ch\/?p=4998","title":{"rendered":"Hallo, min Name isch H\u00e4nger"},"content":{"rendered":"

\"\"<\/a><\/p>\n

In der heutigen Ausgabe von Cliff & H\u00e4nger nimmt die Geschichte Fahrt auf! Eine Rose raubt Cliff die Sinne (und sein Haus sowie sein Dorf) und der treue Hund H\u00e4nger meldet sich zu Wort. Und wie! Es rappelt nicht in der Kiste, sondern es wiehert im Wald!<\/p>\n

<\/p>\n

 <\/p>\n

Previously on Cliff und H\u00e4nger:<\/strong><\/span><\/p>\n

D\u00e4 Cliff findet inere Truhe vor siinere Huust\u00fcr \u00e4s Porzellan-Fig\u00fcrli, wo ihn mit emene Gedicht um Hilf bittet. D\u00e4nn entdeckt er \u00e4s Schl\u00fcsselloch une i d\u00e4 Truhe und steckt siin Zooschl\u00fcssel ine.<\/span><\/p><\/blockquote>\n

Kapitel 3
\nHallo, min Name isch H\u00e4nger<\/h3>\n

D\u00e4 Cliff h\u00e4t\u2019s chuum ch\u00f6ne glaube. Sin letschte Zooschl\u00fcssel (d\u00e4 vom Giraffech\u00e4fig) h\u00e4t doch tats\u00e4chlich bi dem spezielle Truheschloss funktioniert!<\/p>\n

Nach em Umdr\u00fclle vom Schl\u00fcssel h\u00e4t d\u00e4 Cliff ch\u00f6ne e l\u00e4nglichi Schublade uf d\u00e4 Siite vo d\u00e4 Truhe ufmache.<\/p>\n

\"Blume\u00c4 wundersch\u00f6ni Rose isch i dem chline F\u00e4chli ine gl\u00e4ge. D\u00e4 Cliff h\u00e4t sie usegnah und vo allne Siite aglueget.\u00a0Sie isch rot gsi, viellicht au es bizzeli rosarot, h\u00e4t bl\u00fceht, wie nume \u00e4 Rose chan bl\u00fcehe und gschm\u00f6ckt h\u00e4t sie! D\u00e4 Cliff h\u00e4t\u00a0gar n\u00fcme ch\u00f6ne ufh\u00f6re, sie unter sini Nase z\u2019hebe.<\/p>\n

\u201eAutsch!\u201c h\u00e4t er pl\u00f6tzlich usgruefe.<\/p>\n

Mit em Duume h\u00e4t er sich am einzige Dorn gstoche, wo d\u2019Rose uf em Stiel gha h\u00e4t. Ein Tropfe Bluet isch usecho und grad i d\u2019Truhe ine gheit.<\/p>\n

Was h\u00e4t das Fig\u00fcrli scho wieder gsunge?<\/p>\n

Bisch du chr\u00e4ftig und au muetig,
\nisch din Duume bald scho bluetig?<\/span><\/strong><\/p>\n

Em Cliff isch immer tr\u00fcmmliger worde. Er h\u00e4t grad no d\u2019Leine vom H\u00e4nger ch\u00f6ne packe, da isch er scho ohnm\u00e4chtig nach vorne und zmitzt i d\u2019Truhe ine gheit.<\/p>\n

Nach emene Wiili isch d\u00e4 Cliff wieder ufgwacht. Sis Huus isch weg gsi und au s\u00fcscht sis ganze Dorf! Er isch ufenere grosse Wiese gl\u00e4ge, \u00fcberall um ihn ume sind die sch\u00f6nschte Blueme gwachse. A eim Rand vo d\u00e4 Wiese h\u00e4t\u2019s en grosse Wald gha und hinter dem Wald am Horizont sind schneebedeckti Berge z\u2019bewundere gsi.<\/p>\n

\u201eEs isch herrlich da, g\u00e4ll?\u201c h\u00e4t d\u00e4 H\u00e4nger gmeint.<\/p>\n

D\u00e4 Cliff h\u00e4t grad welle s\u00e4ge: \u201eJa w\u00fcrklich, es isch wundersch…\u201c, da h\u00e4t er gstutzt.<\/p>\n

\u201eH\u00e4nger, siit w\u00e4nn\u00a0chasch du rede?\u201c<\/p>\n

\u201eIch han scho immer\u00a0ch\u00f6ne rede\u201c, h\u00e4t\u00a0d\u00e4 H\u00e4nger gseit.\u00a0\u201eDu\u00a0h\u00e4sch minere\u00a0Sprach fr\u00fcehner eifach immer\u00a0nume \u201abelle\u2019 gseit. Aber siit w\u00e4nn\u00a0chasch du mich\u00a0verstah?\u201c<\/p>\n

Es h\u00e4t sich usegstellt, dass d\u00e4 Cliff i dem s\u00e4ltsame Land alles h\u00e4t ch\u00f6ne verstah, was d\u00e4 H\u00e4nger gseit h\u00e4t. Und umgekehrt.<\/p>\n

\"H\u00e4nger\"<\/p>\n

Sie h\u00e4nd afange schw\u00e4tze und schn\u00e4dere mitenand, \u00fcber dieses und jenes. D\u00e4 H\u00e4nger h\u00e4t gmeint, dass er\u2019s eigentlich echli gemein finde w\u00fcrd, dass ihm d\u00e4 Cliff immer H\u00e4nger s\u00e4gi, wo er doch eigentlich Speedy heissi. Uf das abe h\u00e4t ihm d\u00e4 Cliff erchl\u00e4rt, dass er ihn uf d\u00e4 Name Speedy tauft heb, will er als chlini W\u00e4lpe immer so wild umegr\u00e4nnt seg. Mit d\u00e4 Ziit und em Alter seg er aber immer langsamer und fuuler worde und nume no umeghanget. Drum hebi er ihm d\u00e4nn halt irgendw\u00e4nn H\u00e4nger statt Speedy gseit. Das seg aber \u00fcberhaupt n\u00f6d b\u00f6s gmeint.<\/p>\n

Trotzdem h\u00e4t d\u00e4 H\u00e4nger, also d\u00e4 Speedy, das scho echli gemein gfunde. Er h\u00e4t em Cliff verzellt, dass er en Jagdhund seg und also au h\u00fct no superschn\u00e4ll w\u00e4r, bloss isch das eifach n\u00fcme n\u00f6tig gsi bim Cliff dihei. Sie hebed ja meischtens nume Fernseh glueget. Und f\u00fcr das m\u00fcessi er ja n\u00f6d w\u00fcrklich schn\u00e4ll umenander r\u00e4nne ch\u00f6nne.<\/p>\n

\u201eDu und en Jagdhund?\u201c h\u00e4t d\u00e4 Cliff luut useglachet. \u201eS\u2019einzige, wo du no jagsch, das isch dis Dosefuetter!\u201c<\/p>\n

Und so hettet sie no stundelang wiiter gschw\u00e4tzt und umeglachet, wenn sie n\u00f6d pl\u00f6tzlich vomene luute Wiehere unterbroche worde w\u00e4red.<\/p>\n

\u201eDas isch us em Wald cho\u201c, h\u00e4t d\u00e4 H\u00e4nger gmeint.<\/p>\n

\u201eUnd es h\u00e4t t\u00f6nt, wie wenn \u00f6pper Schmerze hett\u201c, h\u00e4t d\u00e4 Cliff hinzuegf\u00fcegt.<\/p>\n

Ohni gross z\u2019\u00fcberlegge sind die beide zum Waldrand gr\u00e4nnt und zack! in Wald ine verschwunde.<\/p>\n

Was finded die beide\u00a0wohl i dem Wald?<\/span><\/strong>
\nNume n\u00f6d gspr\u00e4ngt,\u00a0ihr gh\u00f6reds bald.<\/span><\/strong><\/p>\n

\"\"<\/strong><\/p>\n

Cliff und H\u00e4nger – Die Logor\u00f6-Adventsgeschichte 2013<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n