{"id":4223,"date":"2012-12-24T07:07:00","date_gmt":"2012-12-24T06:07:00","guid":{"rendered":"http:\/\/www.logoroe.ch\/?p=4223"},"modified":"2016-12-11T23:42:09","modified_gmt":"2016-12-11T22:42:09","slug":"as-grosses-finale","status":"publish","type":"post","link":"https:\/\/www.logoroe.ch\/?p=4223","title":{"rendered":"\u00c4s grosses Finale"},"content":{"rendered":"

\"\"Merry Xmas! Halleluja! Frohe Weihnachten! Das grosse (und vor allem lange) Finale der Logor\u00f6-Adventsgeschichten erz\u00e4hlt heute das letzte Kapitel aus den Abenteuern des Herrn Stinkfurz. Gl\u00e4ubige Logor\u00f6-LeserInnen m\u00f6gen mir das leicht blasphemische Ende verzeihen: die Geschichte hat sich ab einem gewissen Punkt irgendwie verselbstst\u00e4ndigt.<\/p>\n

<\/p>\n

\u00c4s grosses Finale<\/strong><\/p>\n

Uf Wiehnachte h\u00e4t sich d\u00e4 Herr Stinkfurz s’zweitgr\u00f6schte Gsch\u00e4nk gw\u00fcnscht, wo’s nume git: Er h\u00e4t sich gw\u00fcnscht, dass d’Frau Ichschm\u00f6ckgarn\u00fct ihn w\u00fcrd h\u00fcrate.<\/p>\n

Und w\u00fcrklich! Wo er am Wiehnachtsmorge i d\u00e4 Stube vor em Christbaum gstande isch, isch es riesegrosses Gsch\u00e4nkli zu ihm anegh\u00fcpft. Im P\u00e4ckli inne isch d’Frau Ichschm\u00f6ckgarn\u00fct imene wundersch\u00f6ne Bruutchleid gsi.<\/p>\n

„Liebschte Herr Stinkfurz“, h\u00e4t sie zu ihm gseit. „Mir beidi passed so guet z\u00e4me, dass mir eifach Ma und Frau m\u00fcend werd\u00e4. M\u00f6chtisch du mich h\u00fcrate?“<\/p>\n

D\u00e4 Herr Stinkfurz h\u00e4t vor Froid so fescht m\u00fcesse furze, dass alli Christbaumchugle vom Baum gheit sind.<\/p>\n

Und so h\u00e4nd sie no am gliiche Namitag Hochziit gfiiret. Sie h\u00e4nd alli Fr\u00fcnde, Bekannte und Verwandte iglade und obwohl das Ganze r\u00e4cht churzfrischtig agseit gsi isch, h\u00e4nd fascht all ch\u00f6ne cho.<\/p>\n

Einzig d\u00e4 Herr G\u00f6rpsgruusig, d’Frau Bisinass und d\u00e4 Herr Ohreschmalz h\u00e4nd sich entschuldige lah. Die dr\u00fc sind so gl\u00fccklich dadr\u00fcber gsi, dass d\u00e4 Herr Stinkfurz ihri Problem ew\u00e4g gfurzet h\u00e4t, dass sie grad mitenand uf \u00e4 W\u00e4ltreis sind. Sie h\u00e4nd aber es Telegramm zum Gratuliere gschickt und det inne h\u00e4ts weder en gruusige G\u00f6rps, no en nasse Bisi und scho gar kei Ohreschmalz gha.<\/p>\n

Au n\u00f6d d\u00e4bi gsi isch d\u00e4 Herr Ichfindnien\u00fct, will er d’Chile n\u00f6d gfunde h\u00e4t.<\/p>\n

D\u00e4mit d\u00e4 Herr Stinkfurz n\u00f6d alli G\u00e4scht in Ohnmacht furze w\u00fcrd, h\u00e4t d’Frau Ichschm\u00f6ckgarn\u00fct \u00e4 super Idee gha. Sie h\u00e4t em Herr Stinkfurz es chliises Loch hinde i d’Hose ine gschnitte. D\u00e4nn h\u00e4t sie en leere Ballon dur das Loch dure uf’s F\u00fcdli vom Herr Stinkfurz kl\u00e4bt. Und immer wenn d\u00e4 Herr Stinkfurz jetzt h\u00e4t m\u00fcesse furze, sind die ganze F\u00fcrz nur in Ballon ine gange und niemmert isch in Ohnmacht gheit. D\u00e4 Ballon a sim F\u00fcdli h\u00e4t sich immer meh ufblase, aber das h\u00e4t niemmert gst\u00f6rt. D\u00e4 Herr Stinkfurz h\u00e4t eifach w\u00e4hrend d\u00e4 Chile n\u00f6d d\u00f6rfe absitze.<\/p>\n

Es anders Problem isch vo s\u00e4lber us em W\u00e4g gruumet worde. Es h\u00e4t n\u00e4mlich so fescht gschneiet gha, dass die ganzi Chile total igschneit gsi isch. Vermuetlich hett mer sie unter em ganze Schnee n\u00fcme gfunde, w\u00e4ri n\u00f6d d\u00e4 Herr Ichissimmerallned\u00e4ganzschnee\u00e4weg au iglade gsi. D\u00e4 h\u00e4t sich gfreut, dass er emal wieder h\u00e4t ch\u00f6ne Schnee \u00e4sse, wo n\u00f6d gspickt gsi isch mit verlorene Golfb\u00f6lle und scho nach churzer Ziit h\u00e4nd alli G\u00e4scht ch\u00f6ne i d’Chile ine.<\/p>\n

D’Fiir isch wundersch\u00f6n gsi. Z’erscht h\u00e4t d\u00e4 Herr Ohal\u00e4tzichreimallieuris\u00e4tz es wundersch\u00f6ns Gedichtli ufgseit, das isch so sch\u00f6n gsi, dass es d\u00e4 Herr Ichmuenimmerallesufschriebe grad h\u00e4t m\u00fcesse ufschriebe. Wo das d\u00e4 Herr Ichchl\u00e4bimmerallesuf gseh h\u00e4t, h\u00e4t er s’ufgschriebene Gedicht sofort an\u00e4 S\u00fc\u00fcle i d\u00e4 Chile kl\u00e4bt. Und – zagg – isch d\u2019Frau Ichliesesogernhanaberalleswosgitschodr\u00fcmalgl\u00e4se zu der\u00e4 S\u00fc\u00fcle gr\u00e4nnt und h\u00e4t s’Gedicht dr\u00fc Mal gl\u00e4se.<\/p>\n

Nat\u00fcrlich h\u00e4t’s au es paar Schwierigkeite g\u00e4h mit all den\u00e4 speziell\u00e4 G\u00e4scht. Wo zum Bischpiel d\u00e4 Herr Ichmuenimmern\u00fcssewennichhois\u00e4g i d’Chile ine cho isch und h\u00e4t well\u00e4 „Hoi“ s\u00e4ge, h\u00e4t er so fescht m\u00fcesse n\u00fcsse, dass alles i d\u00e4 Chile zunderobsi gfloge isch. D’Frau Ichliesef\u00fcrsl\u00e4begernsachenuf h\u00e4t goissed vor Freud und z\u00e4me mit d\u00e4 Frau Ichmuenimmerallesp\u00fcschele h\u00e4nd die beide schnell wieder f\u00fcr Ordnig i d\u00e4 Chile gsorget.<\/p>\n

D’Frau Ichwottsganzjahrgolfspiele h\u00e4t au i d\u00e4 Chile well\u00e4 Golfspiele und h\u00e4t mit emene satte Schuss grad es riesigs Loch i d\u00e4 Frau Windm\u00fchli ihre M\u00fchlifl\u00fcgel gschosse. D\u00e4 Herr Ichmuenimmerallesalange isch d\u00e4 kaputti M\u00fchlifl\u00fcgel go alange gange und h\u00e4t en well\u00e4 mit echli Liim flicke. Doch d’Frau Ichissimmeralleliim isch leider schn\u00e4ller gsi.<\/p>\n

Zum Gl\u00fcck isch d’Frau Doktor Silikon au iglade gsi und sie h\u00e4t mit enere chliine Operation d’Frau Windm\u00fchli wieder z\u00e4meflicke ch\u00f6ne.<\/p>\n

W\u00e4hrend d\u00e4 Zeremonie h\u00e4t’s pl\u00f6tzlich us em hintere Egge vo d\u00e4 Chile luut afange schnarche. D’Frau Wecker h\u00e4t s\u00fcfzend gmeint „Ja, ja, min Maa mal wieder“ und h\u00e4t welle d\u00e4 Herr Ichschlafimmerund\u00fcberallgradi go wecke. D\u00e4 h\u00e4t jedoch n\u00f6d \u00e4llei uf em hinderschte Bank im Egge gschlafe. I sim Arm isch \u00e4s fuuls Eichh\u00f6rnli gl\u00e4ge, wo fascht no l\u00fc\u00fcter gschnarchlet h\u00e4t als er s\u00e4lber.<\/p>\n

No bevor d’Frau Wecker die beide aber h\u00e4t ch\u00f6ne us em Schlaf r\u00fcttle, isch d\u00e4 Herr Ichverschreckimmeralliganzf\u00fcrchterlich hintere gschliche und h\u00e4t d\u00e4 Frau, wo n\u00e4bed den\u00e4 beide Schl\u00f6fer ghocket isch, as Chn\u00fc glanget.<\/p>\n

„Pfote weg!“ h\u00e4t die so luut gschroue, dass die beide Pennt\u00fctene n\u00e4bed ihre so fescht verschrocke sind, dass sie grad gstande sind uf ihrem Bank.<\/p>\n

„Wie lang gaht\u2019s eigentlich no“, h\u00e4t d\u00e4 Herr Ichhanjetztkeiziit pl\u00f6tzlich zum Pfarrer f\u00fcre gruefe.<\/p>\n

D\u00e4 Pfarrer isch jedoch gar kein Pfarrer gsi, sondern \u00e4 Frau Pfarrerin und zwar isch es d’Frau Ichluegimmerinhimmelundstahninjedegaggiine gsi. Die h\u00e4t n\u00e4mlich vo d\u00e4 Frau Ichweissf\u00fcrjed\u00e4d\u00e4richtigibruef d\u00e4 Tipp \u00fcbercho, sich doch mal als Pfarrerin z’versueche. Immer in Himmel z’luege machi sich det\u00e4 no guet, h\u00e4t d’Frau Ichweissf\u00fcrjed\u00e4d\u00e4richtigibruef gmeint.<\/p>\n

D\u00e4nn h\u00e4t\u2019s polteret und t\u00e4tscht, dass alli d’Ohre h\u00e4nd m\u00fcesse zueheb\u00e4. D\u00e4 Herr Ichluegimmernumenufd\u00e4bodeundnienedanderschthi isch vom WC zrugg cho und mit em Herr Ichghei\u00fcberallundimmerufd\u00e4latz, wo grad ufs WC h\u00e4t welle, z\u00e4met\u00e4tscht, so dass beid uf d\u00e4 Latz gheit sind.<\/p>\n

„Mached n\u00f6d sonen Krach“, h\u00e4t d’Frau Alleswasichs\u00e4geh\u00f6rtufmitach gseit.<\/p>\n

D\u00e4 Ballon am F\u00fcdli vom Herr Stinkfurz isch mittlerwiil scho fescht gf\u00fcllt und sehr gross gsi, aber no immer h\u00e4t alles super ghebet und niemmert isch ohnm\u00e4chtig umegl\u00e4ge.<\/p>\n

Wo’s d\u00e4nn langsam aber sicher zum effektive H\u00fcrate cho isch, h\u00e4t sich d\u00e4 Zauberer Chr\u00fcsim\u00fcsi \u00f6ppis Speziells f\u00fcr d’Ring-\u00dcbergab usd\u00e4nkt. Er h\u00e4tt vo d\u00e4 Frau Stoppuhr \u00e4 Stoppuhr usglehnt und isch mit sim Zauberhuet f\u00fcre gange. Us der\u00e4 Stoppuhr zauberi er jetzt die sch\u00f6nschte Ring, wo mer sich vorstelle chan, h\u00e4t er zum Bruutpaar gseit. Sehr umst\u00e4ndlich h\u00e4t er d’Stoppuhr in es paar farbigi T\u00fcecher gwicklet und sie d\u00e4nn i sin Huet ine gstopft. Nachher h\u00e4t er mit sinere Hand es paar Chreisbewegige im Huet ine gmacht und d’Hand wieder usezoge.<\/p>\n

„Abrakadabra Simsala…gopfertorri, das sind doch kei Ring!“<\/p>\n

I sin\u00e4 H\u00e4nd h\u00e4t er zwei Stiigisse gha.<\/p>\n

„Hey super“, h\u00e4t s\u2019raschtlose Eichh\u00f6rnli gruefe, h\u00e4t em Zauberer Chr\u00fcsim\u00fcsi die beide Stiigisse us d\u00e4 H\u00e4nd gschnappet und isch mit den\u00e4 grad bis i d’Kupple vo d\u00e4 Chile ufekl\u00e4tteret.<\/p>\n

D’Frau Pfarrerin h\u00e4t grad welle fr\u00f6ge, \u00f6b sich die beide Bruutl\u00fc\u00fct w\u00e4nd h\u00fcrate, da h\u00e4t d’Frau Hitzgi agfange z’hitzge.<\/p>\n

„H\u00c4ND SIE ES PROBLEM, GUETI FRAU?“ h\u00e4t sich d\u00e4 Herr Ichmuenimmeralliaschreie schreiend bi ihre erkundigt. Doch d’Frau Hitzgi h\u00e4t n\u00fcme ch\u00f6ne antworte. I dem Moment h\u00e4t’s em Herr Stinkfurz n\u00e4mlich d\u00e4 mega prall gf\u00fcllti Furzballon a sim F\u00fcdli ew\u00e4g t\u00e4tscht und d\u00e4 Ballon isch grad i d’Luft d\u00e4vo gwirblet.<\/p>\n

D’Frau Ichwottsganzjahrgolfspiele h\u00e4t no versuecht, d\u00e4 Ballon mit em Golfschl\u00e4ger izfange, aber d\u00e4nn isch sie in Ohnmacht gheit. D\u00e4 Zauberer Chr\u00fcsim\u00fcsi h\u00e4t en welle wegzaubere: \u201eHokuspokus Fidi…plumps\u201c isch aber au er ohnm\u00e4chtig uf d\u00e4 Bode gheit.<\/p>\n

D\u00e4 Ballon isch zur Chile us gfloge und sieb\u00e4 Mal rund um d’Erd\u00e4 gfurzet. Alli M\u00e4nsche und Tier sind ohnm\u00e4chtig worde und dr\u00fc Tag lang isch es uf d\u00e4 ganz\u00e4 W\u00e4lt muggsm\u00fcslistill worde.<\/p>\n

Als erschts wieder ufgwacht isch \u00e4n Antilope in Marokko. Verwirrt h\u00e4t d’Antilope sich d’Auge griebe. Sie h\u00e4t sich dra erinneret, dass sie doch, bevor sie ohnm\u00e4chtig worde isch, grad no vor emene Loi d\u00e4vo gr\u00e4nnt isch. Und w\u00fcrklich! Hinter ihre isch en Loi gl\u00e4ge, wo au grad ufgwacht isch. Doch d\u00e4 Loi h\u00e4t d’Antilope n\u00f6d gfr\u00e4sse. Im Gegeteil! Er isch zu ihre ane gange und h\u00e4t ihre gseit, dass er jetzt neu Vegetarier seg und nume no Pflanze \u00e4sse w\u00fcrdi.<\/p>\n

Au s\u00fcscht isch uf d\u00e4 W\u00e4lt pl\u00f6tzlich alles besser und sch\u00f6ner gsi. D’M\u00e4nsche h\u00e4nd n\u00fcme gstritte und kei Chrieg meh gf\u00fcehrt, d’Chinder sind n\u00fcme usglachet worde, wenn ihne im Chindsgi \u00f6ppis bl\u00f6ds passiert isch. Au sind alli Chrankheite verschwunde, L\u00fc\u00fct wo blind gsi sind, h\u00e4nd pl\u00f6tzlich wieder ch\u00f6ne gseh, anderi im Rollstuhl sind ufgstande und h\u00e4nd ch\u00f6ne laufe.<\/p>\n

Em Herr Stinkfurz sin Riesefurz h\u00e4t alles gheilt und besseret! Halleluja!<\/p>\n

Doch das alles isch em Herr Stinkfurz total egal gsi. Er h\u00e4t sich viel meh dr\u00fcber gfroit, dass er jetzt mit d\u00e4 Frau Ichschm\u00f6ckgarn\u00fct verh\u00fcratet gsi isch. Die beide sind \u00e4s L\u00e4be lang gl\u00fccklich gsi mitenand und h\u00e4nd siebe Mal s’allergr\u00f6schte Gsch\u00e4nk d\u00f6rfe gn\u00fcsse, wo’s nume git, n\u00e4mlich Chind z’\u00fcbercho. S’erschte h\u00e4t Parf\u00fcm gheisse, s’zweite Duftcherz\u00e4, s’dritte Roseblatt, s’vierte Lavendel, s’foifte Raucherst\u00e4bli, s’s\u00e4chste Deodorant und s’siebte Stinkf\u00fcrzli.<\/p>\n

\"\"<\/p>\n

Logor\u00f6 w\u00fcnscht allne grosse und chline L\u00e4serInne es wunderpr\u00e4chtigs Wiehnachtsf\u00e4scht!<\/strong><\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n