{"id":4218,"date":"2012-12-23T07:07:34","date_gmt":"2012-12-23T06:07:34","guid":{"rendered":"http:\/\/www.logoroe.ch\/?p=4218"},"modified":"2016-12-11T23:42:17","modified_gmt":"2016-12-11T22:42:17","slug":"hatschi","status":"publish","type":"post","link":"https:\/\/www.logoroe.ch\/?p=4218","title":{"rendered":"Hatschi!"},"content":{"rendered":"

\"\"Der Name des Hauptdarstellers (und damit praktisch auch das Drehbuch) der zweitletzten Adventsgeschichte wurde vom 6j\u00e4hrigen Logor\u00f6-Leser B\u00e9la eingesandt. Herzlichen Dank, B\u00e9la und viel Vergn\u00fcgen mit Herrn Ichmuenimmern\u00fcssewennichhois\u00e4g!<\/p>\n

<\/p>\n

Hatschi!<\/strong><\/p>\n

Es isch emal d\u00e4 Herr Ichmuenimmern\u00fcssewennichhois\u00e4g gsi, d\u00e4 h\u00e4t es grosses Problem gha. Immer wenn er \u00f6ppertem „Hoi“ gseit h\u00e4t, h\u00e4t er so fescht m\u00fcesse n\u00fcsse, dass alli L\u00fc\u00fct grad furtgspickt sind, so en feschte Windstoss h\u00e4t\u2019s g\u00e4h vo sim N\u00fcsse.<\/p>\n

Das isch vor allem schad gsi, will d\u00e4 Herr Ichmuenimmern\u00fcssewennichhois\u00e4g sehr en h\u00f6fliche M\u00e4nsch gsi isch. Er hetti ja nume m\u00fcesse ufh\u00f6re, d’L\u00fc\u00fct z’begr\u00fcesse, d\u00e4nn w\u00e4r alles keis Problem gsi. Aber chum h\u00e4t d\u00e4 Herr Ichmuenimmern\u00fcssewennichhois\u00e4g \u00f6pper atroffe, h\u00e4t er eifach n\u00f6d anderscht ch\u00f6ne als „Hoi“ z’s\u00e4ge.<\/p>\n

Und – „HATSCHI!“ – sind die L\u00fc\u00fct so wiit ew\u00e4g gspickt, dass mer die meischte vo ihne nie meh gfunde h\u00e4t.<\/p>\n

Eines Tages h\u00e4t er vo d\u00e4 Frau Nast\u00fcechli gh\u00f6rt. D’Frau Nast\u00fcechli segi ganz \u00e4 netti Frau und verteili die ganzi Ziit Nast\u00fcechli.<\/p>\n

D\u00e4 Herr Ichmuenimmern\u00fcssewennichhois\u00e4g h\u00e4t d\u00e4nkt, die Frau g\u00e4ch er grad go bsueche und isch loszoge. D’Frau Nast\u00fcechli h\u00e4t ihm grad well\u00e4 es Nast\u00fcechli g\u00e4h, doch d\u00e4 Herr Ichmuenimmern\u00fcssewennichhois\u00e4g h\u00e4t sie z’erscht no well\u00e4 begr\u00fcesse.<\/p>\n

Und – „HATSCHI!“ – isch au d’Frau Nast\u00fcechli weg gspickt. \u00d6ppe 30 Nast\u00fcechli sind no i d\u00e4 Luft umenander gfloge und uf d\u00e4 Bode gheit, det\u00e4 wo vorher grad no d’Frau Nast\u00fcechli gstande isch.<\/p>\n

Truurig h\u00e4t sich d\u00e4 Herr Ichmuenimmern\u00fcssewennichhois\u00e4g uf d\u00e4 Heiw\u00e4g gmacht, da h\u00e4t er \u00e4 wunderh\u00fcbschi Frau uf d\u00e4 ander\u00e4 Strassesiite gseh. Die Frau isch so sch\u00f6n gsi, dass sich d\u00e4 Herr Ichmuenimmern\u00fcssewennichhois\u00e4g fescht vorgnah h\u00e4t, uf kein Fall „Hoi“ zu ihre z’s\u00e4ge, damit sie n\u00f6d au wieder furtspickt.<\/p>\n

Er h\u00e4t sich ganz fescht s’Muul zue gheb\u00e4t und isch zu d\u00e4 Frau ane gange. Die h\u00e4t ihn erwartigsvoll aglueget aber s\u00e4lber au n\u00fct gseit. Nachemene Wiili h\u00e4t die gueti Frau en immer h\u00e4ssigere Gsichtsusdruck \u00fcbercho und irgendw\u00e4nn h\u00e4t sie gseit: „Gr\u00fcezi, Sie unh\u00f6fliche Ma. Ich bin d’Frau Ichhansn\u00f6dgernwemermichn\u00f6dbegr\u00fcesst und han’s n\u00f6d gern wenn mer mich n\u00f6d begr\u00fcesst.<\/p>\n

Tja, was will mer mache? Zwei Sekunde sp\u00f6ter isch au d’Frau Ichhansn\u00f6dgernwemermichn\u00f6dbegr\u00fcesst \u00fcber alli Berge gfloge.<\/p>\n

Und d\u00e4 Herr Ichmuenimmern\u00fcssewennichhois\u00e4g? H\u00e4t er \u00e4cht s’ganz\u00e4 L\u00e4be m\u00fcesse \u00e4llei bliebe?<\/p>\n

Nei, nei, kei Angscht. D\u00e4 Herr Ichmuenimmern\u00fcssewennichhois\u00e4g h\u00e4t es paar Wuche sp\u00f6ter d’Frau Windm\u00fchli k\u00e4nnegl\u00e4rnt und die h\u00e4t sich gfroit wie ne Mohre, wenn d\u00e4 Herr Ichmuenimmern\u00fcssewennichhois\u00e4g sie amigs begr\u00fcesst h\u00e4t. Ihri M\u00fchlifl\u00fcgel h\u00e4nd sich vo sim N\u00fc\u00fcse dreiht wie wahnsinnig und sie h\u00e4t immer wieder ufs Noie welle, dass er ihre „Hoi“ seit.<\/p>\n

Sie h\u00e4nd gh\u00fcrate und sind \u00e4s L\u00e4be lang gl\u00fccklich gsi mitenand. Sie h\u00e4nd siebe Chind gha. S’erschte h\u00e4t Hueschtez\u00e4ltli gheisse, s’zweite Schnupftabak, s’dritte Gsundheit, s’vierte B\u00f6\u00f6g, s’foifte Bazille, s’s\u00e4chste H\u00e4ndw\u00e4sche und s’siebte Abermitsoife.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n