{"id":4214,"date":"2012-12-22T07:07:45","date_gmt":"2012-12-22T06:07:45","guid":{"rendered":"http:\/\/www.logoroe.ch\/?p=4214"},"modified":"2016-12-11T23:42:25","modified_gmt":"2016-12-11T22:42:25","slug":"da-zauberer-chrusimusi","status":"publish","type":"post","link":"https:\/\/www.logoroe.ch\/?p=4214","title":{"rendered":"D\u00e4 Zauberer Chr\u00fcsim\u00fcsi"},"content":{"rendered":"

\"\"Endspurt im logor\u00f6ischen D\u00f6delgeschichten-Adventskalender. Heute wird der Zauberer Chr\u00fcsim\u00fcsi auf die \u00d6ffentlichkeit losgelassen und das abrakadabert sich alles andere als gefidibust. <\/p>\n

<\/p>\n

D\u00e4 Zauberer Chr\u00fcsim\u00fcsi<\/strong><\/p>\n

Es isch emal en Zauberer gsi, d\u00e4 h\u00e4t Chr\u00fcsim\u00fcsi gheisse. Sis grosse Problem isch gsi, dass er die ganzi Ziit immer nume Chr\u00fcsim\u00fcsi zauberet h\u00e4t und nie das, wo er eigentlich h\u00e4t well\u00e4.<\/p>\n

Wenn er zum Bischpil us sim Huet h\u00e4t welle es H\u00e4sli usezaubere, so h\u00e4t er mit einer\u00e4 Hand t\u00fc\u00fcf ine glanget und gseit: „Abrakadabra Simsala…AUTSCH!“ Astell vomene herzige H\u00e4sli h\u00e4t d\u00e4 Zauberer Chr\u00fcsim\u00fcsi en stachlige Igel us em Huet zoge.<\/p>\n

Oder wenn er \u00e4 Frau us em Publikum h\u00e4t well\u00e4 i d\u00e4 Manege schweb\u00e4 lah, h\u00e4t er ihre d’Auge verbunde und luut gseit: „Hokuspokus Fidi…wo fl\u00fcged sie d\u00e4nn ane?“ Die arm Frau isch pl\u00f6tzlich im Zirkusz\u00e4lt umenander gfloge, wie en Ballon, wo mer ufblast und d\u00e4nn ohni en Chnopf dri z’mache wieder loslaht.<\/p>\n

D\u00e4 liebschte Trick vom Zauberer Chr\u00fcsim\u00fcsi isch s’Chischteversage gsi. Bi dem Trick liegt \u00f6pper ine Chischte ine, d\u00e4 Chopf lueget uf d\u00e4 einte Siite use, d’F\u00fcess uf d\u00e4 ander\u00e4. D\u00e4 Zauberer versaget d\u00e4nn d’Chischte i d\u00e4 Mitti und schiebt sie liecht usenander. Es gseht d\u00e4nn so us, wie wenn d\u00e4 M\u00e4nsch versaget worde w\u00e4r, aber das isch nat\u00fcrlich nur en Trick. Nachher schiebt d\u00e4 Zauberer d’Chischte wieder z\u00e4me und d\u00e4 M\u00e4nsch stiigt wie vorher wieder zur Chischte us. Ta da!<\/p>\n

So gseht d\u00e4 Trick uf jede Fall bi d\u00e4 normale Zauberer us. Euse Zauberer Chr\u00fcsim\u00fcsi h\u00e4t’s no nie gschafft, dass d’L\u00fc\u00fct nach dem Trick wieder wie vorher us d\u00e4 Chischte cho sind. Die einte h\u00e4nd ihri H\u00e4nd neu a d\u00e4 F\u00fcess gha, andere ihri Ohre pl\u00f6tzlich uf d\u00e4 Ell\u00e4b\u00f6ge und es paar Manne h\u00e4nd ihres Pfiifeli nach dem Trick a d\u00e4 Nase gha.<\/p>\n

Das h\u00e4t sich nat\u00fcrlich umegsproche und fascht niemmert h\u00e4t meh welle bim Zauberer Chr\u00fcsim\u00fcsi i d’Chischte ine. <\/p>\n

Wo d\u00e4 Zauberer Chr\u00fcsim\u00fcsi d\u00e4 Trick zum allerletschte Mal h\u00e4t d\u00f6rfe uff\u00fcehre, isch \u00e4 sch\u00f6ni Frau im Publikum ghockt, wo ganz interessiert zueglueget h\u00e4t. Und wo d\u00e4nn d\u00e4 Chr\u00fcsim\u00fcsi d’Chischte g’\u00f6ffnet h\u00e4t und en Ma mit dr\u00fc Bei und vier Auge use cho isch, h\u00e4t d’Frau luut ufgjuchzet.<\/p>\n

Sie isch zum Zauberer Chr\u00fcsim\u00fcsi i d’Manege und h\u00e4t sich vorgstellt. „Gr\u00fcezi Herr Zauberer Chr\u00fcsim\u00fcsi. Ich bin d’Frau Doktor Silikon und bin Sch\u00f6nheitschirurgin. Ich d\u00e4nke, mir zwei ch\u00f6nnted eus ganz guet erg\u00e4nze.“<\/p>\n

\u00c4 Sch\u00f6nheitschirurgin versuecht M\u00e4nsche, wo das w\u00e4nd, mit Operatione sch\u00f6ner z’mache. D\u00e4 eint wott \u00e4 ch\u00fcrzeri Nase, die anderi es chliiners F\u00fcdli. Schnippeldischnapp macht sich d’Frau Doktor Silikon as Werch.<\/p>\n

Sie isch ab dem Tag mit em Zirkus vom Zauberer Chr\u00fcsim\u00fcsi mitzoge und h\u00e4t nach jeder\u00e4 Show d’L\u00fc\u00fct us d\u00e4 Chischte wieder z\u00e4megflickt. D\u00e4 Zauberer Chr\u00fcsim\u00fcsi isch gl\u00fccklich gsi, will er \u00e4ndlich wieder Freiwilligi gfunde h\u00e4t f\u00fcr sin Lieblingstrick und d’Frau Doktor Silikon h\u00e4t ganz ordeli verdient dad\u00e4mit.<\/p>\n

Sie h\u00e4nd gh\u00fcrate und sind \u00e4s L\u00e4be lang gl\u00fccklich gsi mitenand. Sie h\u00e4nd siebe Chind gha. S’erschte h\u00e4t Zauberstab gheisse, s’zweite Magie, s’dritte Dopplet\u00e4bode, s’vierte Assim\u00e4rmel, s’foifte Chartetrick, s’s\u00e4chste Knurunkulu und s’siebte Harry Potter.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n