{"id":4211,"date":"2012-12-21T07:07:52","date_gmt":"2012-12-21T06:07:52","guid":{"rendered":"http:\/\/www.logoroe.ch\/?p=4211"},"modified":"2016-12-11T23:42:32","modified_gmt":"2016-12-11T22:42:32","slug":"da-herr-stinkfurz-will-sich-salber-halfe","status":"publish","type":"post","link":"https:\/\/www.logoroe.ch\/?p=4211","title":{"rendered":"D\u00e4 Herr Stinkfurz will sich s\u00e4lber h\u00e4lfe"},"content":{"rendered":"

\"\"Alle die behaupten, die Welt ginge heute unter, k\u00f6nnen gar nicht recht bekommen. Die Geschichte des Herrn Stinkfurz geht heute n\u00e4mlich erst in ihr zweitletztes Kapitel und wie bittesch\u00f6n soll eine Welt zugrunde gehen, auf welcher der Herr Stinkfurz seinen letzten Furz noch nicht abgegeben hat?<\/p>\n

<\/p>\n

D\u00e4 Herr Stinkfurz will sich s\u00e4lber h\u00e4lfe<\/strong><\/p>\n

Obwohl d\u00e4 Herr Stinkfurz z\u00e4me mit siner\u00e4 beschte Fr\u00fcndin, d\u00e4 Frau Ichschm\u00f6ckgarn\u00fct, sehr es gl\u00fccklichs L\u00e4be gha h\u00e4t, isch er glich zw\u00fcscheddure immer wieder echli truurig gsi. Wenn all L\u00fc\u00fct um ein ume anduurend w\u00e4ge eim in Ohnmacht gheied, d\u00e4nn isch das n\u00f6d grad luschtig.<\/p>\n

Eines Tages h\u00e4t d\u00e4 Herr Stinkfurz a d\u00e4 Bushaltistell \u00e4s ufkl\u00e4bts Plakat entdeckt:<\/p>\n

„Hast du Probleme? Melde dich bei uns!“<\/p><\/blockquote>\n

S’Plakat isch vonere anon\u00fcme S\u00e4lbschthilfegruppe gsi. Inere anon\u00fcme S\u00e4lbschthilfegruppe sitzt mer wie im Chindsgi oder bim Singe i d\u00e4 Schuel uf St\u00fcehl im Chreis. Nume staht uf den\u00e4 St\u00fcehl n\u00f6d „Jasmin“ oder „Julian“ druf, sondern es h\u00e4t kei N\u00e4me. D\u00e4nn verzellt jede vo sine Problem und am Schluss gaht’s allne irgendwie besser.<\/p>\n

So anon\u00fcmi S\u00e4lbschthilfegruppe git’s eigentlich eher in Amerika als bi eus, aber wer weiss, viellicht spielt d’Gschicht vom Herr Stinkfurz ja au in Amerika und gar n\u00f6d bi eus.<\/p>\n

Uf all F\u00e4ll h\u00e4t d\u00e4 Herr Stinkfurz d\u00e4nkt, das ch\u00f6ni viellicht ja au ihm h\u00e4lfe und er isch a sones Treffe gange. Vorher h\u00e4t er extra en ganze Tag lang kei Zwieble und kei Chnoblauch g\u00e4sse, d\u00e4mit er i d\u00e4 Gruppe n\u00f6d z’viel muess furze.<\/p>\n

D\u00e4 Reihe na h\u00e4nd jetzt all ihri Problem vortreit. Als erschts h\u00e4t sich d\u00e4 Herr G\u00f6rpsgruusig vorgstellt. D\u00e4 Herr G\u00f6rpsgruusig h\u00e4t fascht i jedem Satz so gruusig m\u00fcesse g\u00f6rpse, dass niemmert meh h\u00e4t welle mit ihm red\u00e4.<\/p>\n

D\u00e4nn isch d’Frau Bisinass a d\u00e4 Reihe gsi. D’Frau Bisinass h\u00e4t nie gmerkt, wenn sie uf s’WC hett m\u00fcesse und so h\u00e4t sie immer i d’Hose br\u00fcnzlet.<\/p>\n

D\u00e4 Herr Ohreschmalz h\u00e4t gjammeret, dass all L\u00fc\u00fct bi ihm nume immer uf d’Ohre w\u00fcrdet luege, will die eifach immer volle Schmalz seg\u00e4d. D\u00e4nn isch er go d’Ohre putze gange.<\/p>\n

So h\u00e4nd alli vo ihrne gr\u00f6schte Sorge verzellt. Am Schluss isch d\u00e4 Herr Stinkfurz dra gsi und will er scho so lang h\u00e4t m\u00fcesse s’Furze verheb\u00e4, h\u00e4t er – no bevor er \u00f6ppis h\u00e4t ch\u00f6ne s\u00e4ge – grad losgfurzt. All andere im Chreis sind nat\u00fcrlich sofort in Ohnmacht gheit.<\/p>\n

Jetzt isch d\u00e4 Herr Stinkfurz w\u00fcrklich truurig worde. N\u00f6d emal iner\u00e4 anon\u00fcme S\u00e4lbschthilfegruppe isch sis L\u00e4be anderscht gsi. D\u00e4 Herr Stinkfurz isch i sin Stuehl inegsunke und h\u00e4t fescht afange br\u00fcele.<\/p>\n

Nach emene Wiili sind die ander\u00e4 L\u00fc\u00fct im Ruum wieder ufgwachet. Und d\u00e4nn isch \u00f6ppis ganz S\u00e4ltsams passiert! D\u00e4 Herr G\u00f6rpsgruusig h\u00e4t n\u00fcme gruusig g\u00f6rpset, d’Frau Bisinass h\u00e4t pl\u00f6tzlich gmerkt, wenn sie uf s’WC muess und d\u00e4 Herr Ohreschmalz h\u00e4t suuberi Ohre gha!<\/p>\n

Nume em Herr Stinkfurz sini F\u00fcrz h\u00e4nd wiiterhin f\u00fcrchterlich gstunke. Aber dad\u00e4f\u00fcr h\u00e4t er siit dem Tag gw\u00fcsst, dass er mit sine F\u00fcrz chan anderi M\u00e4nsche heile. Und das ch\u00f6nd n\u00f6d viel vo sich behaupte.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n