{"id":4199,"date":"2012-12-18T07:07:17","date_gmt":"2012-12-18T06:07:17","guid":{"rendered":"http:\/\/www.logoroe.ch\/?p=4199"},"modified":"2016-12-11T23:43:44","modified_gmt":"2016-12-11T22:43:44","slug":"es-schneielet-es-beielet","status":"publish","type":"post","link":"https:\/\/www.logoroe.ch\/?p=4199","title":{"rendered":"Es schneielet, es beielet"},"content":{"rendered":"

\"\"Wer sich in diesen Tagen fragt, wo denn der ganze sch\u00f6ne Schnee draussen hingekommen ist, der k\u00f6nnte in der heutigen Advents-D\u00f6delgeschichte eine Antwort finden…<\/p>\n

<\/p>\n

Es schneielet, es beielet<\/strong><\/p>\n

Es isch emal d\u00e4 Herr Ichissimmerallned\u00e4ganzschnee\u00e4weg gsi, d\u00e4 h\u00e4t es grosses Problem gha. Er h\u00e4t n\u00e4mlich immer allne d\u00e4 ganz Schnee \u00e4weg g’\u00e4sse. F\u00fcr ihn s\u00e4lber isch das zwar eigentlich gar keis Problem gsi. Schnee h\u00e4t ihm guet gschm\u00f6ckt und Hunger h\u00e4t er immer gha. Aber f\u00fcr anderi L\u00fc\u00fct isch das alles doch sehr ungl\u00fccklich gsi.<\/p>\n

Am liebschte h\u00e4t d\u00e4 Herr Ichissimmerallned\u00e4ganzschnee\u00e4weg n\u00e4mlich d\u00e4 Schnee i Form vo Schneemanne gha. Die h\u00e4nd immer so fein nach R\u00fcebli gschm\u00f6ckt. Mer cha sich vorstelle, wie d’Chinder agfange h\u00e4nd z’br\u00fcele. Da bausch d\u00e4 ganz Tag amene Schneema und d\u00e4nn chunnt eine d\u00e4her und frisst en dir eifach \u00e4weg! Git’s ja gar n\u00f6d! \u00dcberall wo d\u00e4 Herr Ichissimmerallned\u00e4ganzschnee\u00e4weg verbi cho isch, h\u00e4t’s gl\u00e4tschet und pl\u00e4\u00e4ret.<\/p>\n

Au d’Schiigebiet h\u00e4nd Angscht gha vor em Herr Ichissimmerallned\u00e4ganzschnee\u00e4weg. Wenn er amigs sini Schiiferie in Davos verbracht h\u00e4t, h\u00e4nd’s det\u00e4 n\u00f6d emal me ch\u00f6ne Iishockey spiele, will den\u00e4 h\u00e4t er au grad no s’Iis \u00e4weg gschl\u00e4cket. Und Schiifahre h\u00e4sch grad ganz ch\u00f6ne verg\u00e4sse. D\u00e4 Herr Ichissimmerallned\u00e4ganzschnee\u00e4weg h\u00e4t sich am Afang vo sine Schiiferie amigs \u00e4s L\u00e4tzli umbunde und isch \u00f6ppe dr\u00fc Tag lang go \u00c4sse gange, bis alli Berge nume no gr\u00fcen gsi sind. D\u00e4nn isch er f\u00fcrs Dessert vor \u00e4 Schneekanone ghocket und h\u00e4t s’Muul ufgmacht.<\/p>\n

Es h\u00e4t sich \u00fcberhaupt kei L\u00f6sig abzeichnet und die Gschicht w\u00e4r ganz \u00fcbel usecho, hetti d\u00e4 Herr Ichissimmerallned\u00e4ganzschnee\u00e4weg n\u00f6d d’Frau Ichwottsganzjahrgolfspiele k\u00e4nneglernt. D’Frau Ichwottsganzjahrgolfspiele h\u00e4t s’ganz Jahr welle Golf spiele. Im Fr\u00fcehlig, im Summer und im Herbscht isch das \u00fcberhaupt keis Problem gsi. Im Winter aber h\u00e4t sie pro Rundi Golf jedes Mal \u00f6ppe 85 Golfb\u00f6lle verlore, will sie di\u00e4 wiisse Dinger im Schnee eifach n\u00fcme gfunde h\u00e4t.<\/p>\n

Und will das irgendw\u00e4nn is G\u00e4ld gaht, h\u00e4t sie sich mit em Herr Ichissimmerallned\u00e4ganzschnee\u00e4weg verabredet. Als Tr\u00e4ffpunkt h\u00e4t d\u00e4 Herr Ichissimmerallned\u00e4ganzschnee\u00e4weg s’Freestyle in Z\u00fcri vorgschlage. S’Freestyle, das isch en Alass, wo irgendwelchi wahnsinnigi Jungi mit Schii und Snouboards \u00fcber \u00e4 riesigi Schneesprungschanze gumped. „Det han ich sowieso scho immer mal ane welle“, h\u00e4t d\u00e4 Herr Ichissimmerallned\u00e4ganzschnee\u00e4weg gseit und s’Wasser isch ihm scho im Muul z\u00e4megloffe.<\/p>\n

Was will mer s\u00e4ge? S’Freestyle isch i dem Jahr ziemlich schn\u00e4ll beendet gsi. Ohni Schanze chasch eifach nur schl\u00e4cht gumpe. Em Herr Ichissimmerallned\u00e4ganzschnee\u00e4weg h\u00e4t aber d’Frau Ichwottsganzjahrgolfspiele so guet gfalle, dass er ab det\u00e4 jede Winter mit ihre umegreist isch und \u00fcberall immer d\u00e4 ganz Schnee vo d\u00e4 Golfpl\u00e4tz \u00e4weg g’\u00e4sse h\u00e4t. Und will d’Frau Ichwottsganzjahrgolfspiele pauselos Golf gspielt h\u00e4t, isch ihm kei Ziit meh bliebe, um no andere Schnee \u00e4weg z’\u00e4sse. So sind au all Chind und d’Schigebiet wieder gl\u00fccklich gsi.<\/p>\n

D\u00e4 Herr Ichissimmerallned\u00e4ganzschnee\u00e4weg h\u00e4t d’Frau Ichwottsganzjahrgolfspiele gh\u00fcrate und sie sind \u00e4s L\u00e4be lang gl\u00fccklich gsi mitenand. Sie h\u00e4nd siebe Chind gha. S’erscht\u00e4 h\u00e4t Rieseslalom gheisse, s’zweite Flocke, s’dritte Iglu, s’vierte Schlitte, s’foifte Schiilift, s’s\u00e4chste Schneegl\u00f6ggli und s’siebte Bernhard Russi.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n