{"id":4196,"date":"2012-12-17T07:07:33","date_gmt":"2012-12-17T06:07:33","guid":{"rendered":"http:\/\/www.logoroe.ch\/?p=4196"},"modified":"2017-09-14T16:12:22","modified_gmt":"2017-09-14T14:12:22","slug":"ordnig-isch-shalbe-labe","status":"publish","type":"post","link":"https:\/\/www.logoroe.ch\/?p=4196","title":{"rendered":"Ordnig isch s’halbe L\u00e4be"},"content":{"rendered":"

\"\"Mit der heutigen D\u00f6delgeschichte sollte endlich ein wenig Ordnung in den Logor\u00f6-Adventskalender kommen. Viel Spass mit den Abenteuern der Frau Ichmuenimmerallesp\u00fcschele!<\/p>\n

<\/p>\n

Ordnig isch s’halbe L\u00e4be<\/strong><\/p>\n

Es isch emal d’Frau Ichmuenimmerallesp\u00fcschele gsi, die h\u00e4t es grosses Problem gha. Sie h\u00e4t n\u00e4mlich immer alles m\u00fcesse p\u00fcschele. Sie h\u00e4t d\u00e4 ganzi Tag alli m\u00f6gliche Sache ufgruumet, sortiert und igordnet und d\u00e4nn wieder neu sortiert, igordnet und wieder ufgruumet.<\/p>\n

Churz: Sie isch nie fertig worde mit p\u00fcschele.<\/p>\n

Sie h\u00e4t es Gr\u00e4tli gha, mit dem h\u00e4t sie all ihri Sache ch\u00f6ne aschriebe. Sie h\u00e4t zum Bischpil „Fr\u00fcehst\u00fccksflocke“ it\u00f6ggelet und d\u00e4nn isch en chline Streife usecho, wo „Fr\u00fcehst\u00fccksflocke“ druf gstande isch. D\u00e4 h\u00e4t sie d\u00e4nn uf d’Packig mit d\u00e4 Fr\u00fcehst\u00fccksflocke kl\u00e4bt.<\/p>\n

Im Huushalt vo d\u00e4 Frau Ichmuenimmerallesp\u00fcschele isch alles agschriebe gsi. ALLES! D’L\u00e4besmittel, d’Spielsache, d’Chleider, ja sogar ihres Zahb\u00fcrschteli isch mit „Zahb\u00fcrschteli“ agschriebe gsi.<\/p>\n

Eimal h\u00e4t sie alli B\u00fcecher im Gstell nach d\u00e4 Azahl Siitene sortiert und igordnet. D’B\u00fcecher bis 50 Siite h\u00e4t sie z’underscht ane tah, 50 bis 75 Siite im Regal dr\u00fcber, 75 bis 100 no eis h\u00f6cher und immer so wiiter. Nat\u00fcrlich h\u00e4t sie alli Regal dementspr\u00e4chend agschriebe.<\/p>\n

\u00c4chli sp\u00f6ter h\u00e4t sie d\u00e4nkt, das machi doch kei Sinn, wenn da es Chinderbuech zw\u00fcsched emene Chochbuech und enere Gsp\u00e4ngschtergschicht versorget isch, nume will die B\u00fcecher per Zuefall alli gliichvill Siitene h\u00e4nd. Und – z\u00e4gg! – h\u00e4t sie alles nach em Buechinhalt sortiert agordnet. Und neu agschriebe.<\/p>\n

Mit so Sache h\u00e4t d’Frau Ichmuenimmerallesp\u00fcschele ihri ganze T\u00e4g verbracht. Und s’krasse isch gsi: die Frau isch total gl\u00fccklich gsi d\u00e4bi!<\/p>\n

Nume d’Manne, die sind d\u00e4 Frau Ichmuenimmerallesp\u00fcschele reihewiis d\u00e4vo gloffe. Sie h\u00e4t sich amigs, wenn sie en Ma k\u00e4nnegl\u00e4rnt h\u00e4t, ein bis zwei Tag ch\u00f6ne z\u00e4meriisse, doch d\u00e4nn h\u00e4t sie agfange d’Blueme wo sie \u00fcbercho h\u00e4t, nach d\u00e4 Farbene z’sortiere oder d’M\u00e4nner h\u00e4nd uf ihrne Schueh pl\u00f6tzlich ufdruckti Streife vorgfunde: „Schueh linggs“ und „Schueh r\u00e4chts“.<\/p>\n

Das h\u00e4t keine lang usghalte. N\u00f6d eine!<\/p>\n

Doch d\u00e4nn h\u00e4t d’Frau Ichmuenimmerallesp\u00fcschele d\u00e4 Herr Ichfindnien\u00fct k\u00e4nneglernt. D\u00e4 Herr Ichfindnien\u00fct h\u00e4t nie n\u00fct gfunde. Ui, h\u00e4t d\u00e4 gstrahlet, wo er d\u00e4 Huushalt vo d\u00e4 Frau Ichmuenimmerallesp\u00fcschele s’erscht Mal gseh h\u00e4t. Alles isch a sim Platz gsi und alles h\u00e4t mer jederziit immer gfunde, w\u00e4mmer’s gsuecht h\u00e4t. So \u00f6ppis h\u00e4t er no nie erl\u00e4bt gha!<\/p>\n

D\u00e4 Herr Ichfindnien\u00fct isch so begeischteret gsi vo d\u00e4 Frau Ichmuenimmerallesp\u00fcschele, dass er sie grad gh\u00fcrate h\u00e4t (d’Frau Ichmuenimmerallesp\u00fcschele h\u00e4t i d\u00e4 Chile die ufgstellte Heilige-Figure nach d\u00e4 Gr\u00f6ssi sortiert und d\u00e4 Herr Ichfindnien\u00fct hetti d’Ring nie im L\u00e4be meh gfunde, wenn d’Frau Ichmuenimmerallesp\u00fcschele sie ihm n\u00f6d vorher extra is Jagget-T\u00e4schli inegn\u00e4ht hetti). Sie sind \u00e4s L\u00e4be lang gl\u00fccklich gsi mitenand und h\u00e4nd siebe Chind gha. S’erschte h\u00e4t Ordner gheisse, s’zweite \u00dcbersicht, s’dritte Organisation, s’vierte Disziplin, s’foifte Tuduulischte, s’s\u00e4chste Putzfimmel und s’siebte Frau Staromat.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n