{"id":4176,"date":"2012-12-13T06:06:22","date_gmt":"2012-12-13T05:06:22","guid":{"rendered":"http:\/\/www.logoroe.ch\/?p=4176"},"modified":"2016-12-11T23:44:45","modified_gmt":"2016-12-11T22:44:45","slug":"a-langi-gschicht-vom-alange","status":"publish","type":"post","link":"https:\/\/www.logoroe.ch\/?p=4176","title":{"rendered":"\u00c4 langi Gschicht vom Alange"},"content":{"rendered":"

\"\"In der heutigen Logor\u00f6-D\u00f6delgeschichte lernt ein fummliges Kerlchen seine Antipodin kennen. Diese liest ihm gleich geh\u00f6rig die Leviten…<\/p>\n

<\/p>\n

\u00c4 langi Gschicht vom Alange<\/strong><\/p>\n

Es isch emal d\u00e4 Herr Ichmuenimmerallesalange gsi, d\u00e4 h\u00e4t es grosses Problem gha. Er h\u00e4t n\u00e4mlich immer alles m\u00fcesse alange. Bi gw\u00fcsse Sache isch das ganz in Ordnig gsi, zum Bischpil bi Orange oder R\u00fcebli. Die muess mer ja sowieso alange, wenn mer sie \u00e4sse wott. Bi anderne Sache aber isch das n\u00f6d eso praktisch gsi.<\/p>\n

Wenn d\u00e4 Herr Ichmuenimmerallesalange zum Bischpil \u00e4 Familie mit Chind troffe h\u00e4t, so h\u00e4t er die arme Chind die ganz Ziit m\u00fcesse alange. Er h\u00e4t ihne uf d\u00e4 Chopf t\u00e4tschlet, bis ihri Frisure ganz zunderobsi gsi sind.<\/p>\n

Meischtens h\u00e4nd d’Chind sofort Chappene azoge, wenn sie d\u00e4 Herr Ichmuenimmerallesalange troffe h\u00e4nd.<\/p>\n

Oder wenn er sine Arbeitskollege im B\u00fcro s’Zn\u00fcni bracht h\u00e4t, so h\u00e4t er alli Gipfeli mit d\u00e4 H\u00e4nd echli z\u00e4medruckt und jedem no husch in Kafi ine glanget.<\/p>\n

Meischtens h\u00e4nd d’Kollege d\u00e4 Zn\u00fcni s\u00e4lber organisiert.<\/p>\n

Am Schlimmschte aber isch es gsi, wenn d\u00e4 Herr Ichmuenimmerallesalange go poschte gange isch. Bevor er zwei \u00d6pfel usgsuecht h\u00e4t, h\u00e4t er z’erscht alli andere \u00d6pfel im Regal m\u00fcesse i d’H\u00e4nd neh. A d\u00e4 Kasse h\u00e4t er au alles aglanget: S’F\u00f6rderband, alli S\u00fcessigkeite, wo det\u00e4 i d\u00e4 Regal lieged, d’Sache wo d’L\u00fc\u00fct vor und hinter ihm kauft h\u00e4nd und d’Frau hinter d\u00e4 Kasse grad au no.<\/p>\n

Meischtens h\u00e4t d\u00e4 Herr Ichmuenimmerallesalange sini Ich\u00e4uf \u00fcbers Internet gmacht.<\/p>\n

Eines Tages wo er uf d\u00e4 Poscht gwartet h\u00e4t, bis sis N\u00fcmmerli ufgl\u00fcchtet h\u00e4t, h\u00e4t \u00e4 herzigi Frau n\u00e4bed ihm ihri T\u00e4sche gheie lah. D\u00e4 Herr Ichmuenimmerallesalange h\u00e4t welle h\u00e4lfe und sich buckt, doch bevor er irgend\u00f6ppis h\u00e4t ch\u00f6ne mache, h\u00e4t die Frau ganz luut „Pfote weg!“<\/strong> gruefe.<\/p>\n

D\u00e4 Herr Ichmuenimmerallesalange isch z\u00e4me zuckt und h\u00e4t agfange zittere, so fescht isch er verschrocke.<\/p>\n

Die herzig Frau h\u00e4t sich bi ihm entschuldiget und sich vorgstellt: „Sie m\u00fcend mir verzeie, wenn ich Sie verschreckt han. Ich bin d’Frau Pfoteweg und ich han n\u00f6d gern, wenn mer mini Sache alangt.“<\/p>\n

Frau Pfoteweg? Jessesgott! D\u00e4 Herr Ichmuenimmerallesalange h\u00e4t agfange schwitze, h\u00e4t aber trotzdem tapfer welle d\u00e4 Frau Pfoteweg zur Begr\u00fcessig d’Hand geh. Die h\u00e4t nat\u00fcrlich sofort wieder luut „Pfote weg!“<\/strong> gruefe.<\/p>\n

Und d\u00e4nn isch \u00f6ppis ganz Komischs passiert, \u00f6ppis wos no m\u00e4ngisch bi Erwachsene und viellicht sogar ab und zue au bi Chind git: Obwohl sich d\u00e4 Herr Ichmuenimmerallesalange und d’Frau Pfoteweg eigentlich \u00fcberhaupt n\u00f6d vertreit h\u00e4nd, h\u00e4nd sie sich trotzdem immer \u00f6fters troffe. Sie h\u00e4nd sich gern \u00fcbercho und h\u00e4nd’s meischtens au sehr luschtig gha mitenand.<\/p>\n

Sie h\u00e4nd gh\u00fcrate (d’Frau Pfoteweg h\u00e4t nat\u00fcrlich em Pfarrer „Pfote weg!“ gseit, wo er ihre d’Ring h\u00e4t welle geh) und sind \u00e4s L\u00e4be lang gl\u00fccklich gsi mitenand. Sie h\u00e4nd siebe Chind gha. S’erschte h\u00e4t Touchie gheisse, s’zweite Grabschi, s’dritte Fummli, s’vierte Taschti, s’foifte T\u00f6\u00f6pli, s’s\u00e4chste Griifli und s’siebte Fingerabd\u00e4r\u00f6schti.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n