{"id":4165,"date":"2012-12-11T07:07:06","date_gmt":"2012-12-11T06:07:06","guid":{"rendered":"http:\/\/www.logoroe.ch\/?p=4165"},"modified":"2016-12-11T23:44:58","modified_gmt":"2016-12-11T22:44:58","slug":"da-herr-stinkfurz-und-dbadmeischter-party","status":"publish","type":"post","link":"https:\/\/www.logoroe.ch\/?p=4165","title":{"rendered":"D\u00e4 Herr Stinkfurz und d’Badmeischter-Party"},"content":{"rendered":"

\"\"Heute reist Herr Stinkfurz nach Italien. Und wer meint, der Herr Stinkfurz w\u00fcrde in seinen Ferien weniger furzen, der hat sich gewaltig verrochen…<\/p>\n

<\/p>\n

D\u00e4 Herr Stinkfurz und d’Badmeischter-Party<\/strong><\/p>\n

Eimal sind d\u00e4 Herr Stinkfurz und d’Frau Ichschm\u00f6ckgarn\u00fct z\u00e4me uf Italie as Meer i d’Ferie gange. W\u00e4hrend d’Frau Ichschm\u00f6ckgarn\u00fct no im Zelt gschlafe h\u00e4t, isch d\u00e4 Herr Stinkfurz ganz fr\u00fceh am Morge scho as Meer gange go Muschle sammle.<\/p>\n

Will er so fr\u00fceh drah gsi isch, isch er ganz \u00e4llei am m\u00e4nscheleere Strand gsi. Ei Muschle isch pr\u00e4chtiger als die ander gsi und d\u00e4 Herr Stinkfurz h\u00e4t gstrahlet vor Freud. Wo er sich grad nach emene speziell sch\u00f6ne Exemplar buckt h\u00e4t, h\u00e4t er ganz f\u00fcrchterlich m\u00fcesse furze. Und d\u00e4nn isch es passiert!<\/p>\n

Zum erschte Mal i sim L\u00e4be isch d\u00e4 Herr Stinkfurz vo sim eigene Furz in Ohnmacht gheit.<\/p>\n

Er isch in f\u00fcechte Sand gheit und d’W\u00e4lle h\u00e4nd ihm immer wieder Wasser \u00fcbers Gsicht gsp\u00fcelt.<\/p>\n

En Badmeischter h\u00e4t das gseh und isch sofort z’r\u00e4nne cho. „Was fallt Ihne eigentlich i?“ h\u00e4t er uf Italienisch gseit. „So n\u00f6ch am Strand im Wasser z’liege! Das isch doch gf\u00f6hrlich! Sie ch\u00f6nted ja ver…“<\/p>\n

Wiiter isch er n\u00fcme cho. D\u00e4 Furz vom Herr Stinkfurz h\u00e4t immer no so fescht gstunke, dass d\u00e4 Badmeischter au grad in Ohnmacht und n\u00e4bed em Herr Stinkfurz i d’W\u00e4lle gheit isch.<\/p>\n

Wo das en andere Badmeischter gseh h\u00e4t, isch au er ganz ufgregt anegr\u00e4nnt. „Gaht’s eu eigentlich no!“ h\u00e4t er gruefe. „Eifach so im Wasser z’liege, das gaht doch…“<\/p>\n

Paff! Isch au er ohnm\u00e4chtig is Wasser gheit.<\/p>\n

Das h\u00e4t wieder en Badmeischter gseh und wo d\u00e4 d\u00e4nn au is Wasser gheit isch, h\u00e4t das grad nomal en andere Badmeischter gseh. Und so wiiter und so fort. Irgendw\u00e4nn sind 534 Badmeischter n\u00e4bed em Herr Stinkfurz im Wasser gl\u00e4ge. D\u00e4 isch us sinere Ohnmacht ufgwacht und isch zrugg zu d\u00e4 Frau Ichschm\u00f6ckgarn\u00fct is Zelt gange. Bi so vielne Badmeischter im Wasser findt mer ja gar kei Muschle meh, h\u00e4t er sich beklagt.<\/p>\n

D’Badmeischter sind 20 Minute sp\u00f6ter au ufgwacht und h\u00e4nd kei Ahnig meh gha, wie sie alli da ane cho sind. Will aber grad scho mal so viel Badmeischter mitenand z\u00e4me am Strand gsi sind, h\u00e4nd sie spontan die gr\u00f6schti Badmeischter-Party gfiiret, wo Italie je gseh h\u00e4t.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n