{"id":4148,"date":"2012-12-09T07:07:23","date_gmt":"2012-12-09T06:07:23","guid":{"rendered":"http:\/\/www.logoroe.ch\/?p=4148"},"modified":"2016-12-11T23:45:12","modified_gmt":"2016-12-11T22:45:12","slug":"ich-ha-jetzt-kei-ziit","status":"publish","type":"post","link":"https:\/\/www.logoroe.ch\/?p=4148","title":{"rendered":"Ich ha jetzt kei Ziit"},"content":{"rendered":"

\"\"Wer f\u00fcr die Lekt\u00fcre der heutigen Logor\u00f6-D\u00f6delgeschichte keine Zeit findet, der sollte sich diese trotzdem nehmen. Schliesslich handelt die Erz\u00e4hlung genau von ihm und einer Frau, die ihm helfen k\u00f6nnte…<\/p>\n

<\/p>\n

Ich ha jetzt kei Ziit<\/strong><\/p>\n

Es isch emal d\u00e4 Herr Ichhanjetztkeiziit gsi, d\u00e4 h\u00e4t es grosses Problem gha. Er h\u00e4t n\u00e4mlich f\u00fcr \u00fcberhaupt n\u00fct nie kei Ziit gha. Er h\u00e4t am Morge n\u00f6d Zmorge g\u00e4sse (kei Ziit), h\u00e4t nachher n\u00f6d Z\u00e4h putzt (kei Ziit), d\u00e4nn isch er n\u00f6d go schaffe gange (kei Ziit), h\u00e4t n\u00f6d mit sine zwei Pudel Tigg und Tagg gspielt (kei Ziit) und isch am\u00a0Abig n\u00f6d go schlafe (kei Ziit).<\/p>\n

Er h\u00e4t also w\u00fcrklich f\u00fcr \u00fcberhaupt n\u00fct nie kei Ziit gha. Er h\u00e4t d\u00e4 ganzi Tag nume immer uf sini Uhr glueget und beobachtet, wie sich d\u00e4 Sekundezeiger schnell, d\u00e4 Minutezeiger langsamer und d\u00e4 Stundezeiger ganz langsam im Chreis dr\u00fclled. Aber eigentlich h\u00e4t er au f\u00fcr das kei Ziit gha.<\/p>\n

Wenn mer nie f\u00fcr n\u00fct \u00fcberhaupt \u00e4 kei Ziit h\u00e4t, d\u00e4nn h\u00e4t mer nat\u00fcrlich so ziemlich kei Fr\u00fcnde. Das h\u00e4t d\u00e4 Herr Ichhanjetztkeiziit aber n\u00f6d gst\u00f6rt, will f\u00fcr Fr\u00fcnde het er sowieso kei Ziit gha.<\/p>\n

Nume \u00e4 Frau, das hetti d\u00e4 Herr Ichhanjetztkeiziit scho no gern gha. Aber er h\u00e4t kei Ziit gha zum dr\u00fcber nad\u00e4nke. Und so w\u00e4r er wahrschienlich f\u00fcr immer \u00e4llei bliebe, w\u00e4r ihm n\u00f6d d’Frau Stoppuhr \u00fcber d\u00e4 W\u00e4g gloffe.<\/p>\n

D’Frau Stoppuhr h\u00e4t \u00e4 ganz spezielli Gab gha. I ihrere N\u00f6chi h\u00e4nd alli Uhre sofort gstoppet und sind erscht wieder wiitergloffe, wenn d’Frau Stoppuhr n\u00fcme da gsi isch.<\/p>\n

D’Frau Stoppuhr h\u00e4t also d\u00e4 Herr Ichhanjetztkeiziit voremene Kafi atroffe und no bevor sie ihn h\u00e4t ch\u00f6ne begr\u00fcesse, h\u00e4t d\u00e4 Herr Ichhanjetztkeiziit nerv\u00f6s uf sini Uhr glueget und h\u00e4t grad welle s\u00e4ge, dass er jetzt kei Ziit hebi, da isch er pl\u00f6tzlich still worde.<\/p>\n

D\u00e4 Sekundezeiger h\u00e4t sich keis bizzeli bewegt.<\/p>\n

D\u00e4 Minutezeiger au n\u00f6d.<\/p>\n

Und d\u00e4 Stundezeiger scho grad gar n\u00f6d.<\/p>\n

Und s’erscht Mal i sim L\u00e4be h\u00e4t d\u00e4 Herr Ichhanjetztkeiziit Ziit gha – und zwar ganz viel.<\/p>\n

Er h\u00e4t mit d\u00e4 Frau Stoppuhr en Kafi trunke, ja was heisst eine? Er h\u00e4t grad zwei gnah und zwar Latte Macchiatos! Nachher sind sie z\u00e4me zum Herr Ichhanjetztkeiziit sinere Wohnig hei spaziert und h\u00e4nd det\u00e4 uuu lang mit em Tigg und em Tagg gspielt. Die beide Pudel sind \u00fcberhaupt n\u00f6d drus cho, was los gsi isch. Eso en entspannte Herr Ichhanjetztkeiziit h\u00e4nd sie no nie erl\u00e4bt.<\/p>\n

Das neue L\u00e4be h\u00e4t em Herr Ichhanjetztkeiziit so guet gfalle, dass er d’Frau Stoppuhr grad gh\u00fcrate h\u00e4t. Sie h\u00e4t ihn n\u00e4mlich au gern gha. Sie sind es L\u00e4be lang gl\u00fccklich gsi mitenand und h\u00e4nd siebe Chind gha. S’erschte h\u00e4t Chumjetzt gheisse, s’zweite Zaggizagg, s’dritte Abernullkommapl\u00f6tzli, s’vierte H\u00fctno, s’foifte Hoppd\u00e4b\u00e4se, s’s\u00e4chste Mirm\u00fcendjetztgah und s’siebte Superschn\u00e4gg.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n