{"id":4114,"date":"2012-12-07T07:07:03","date_gmt":"2012-12-07T06:07:03","guid":{"rendered":"http:\/\/www.logoroe.ch\/?p=4114"},"modified":"2016-12-11T23:45:25","modified_gmt":"2016-12-11T22:45:25","slug":"ach-du-schreck","status":"publish","type":"post","link":"https:\/\/www.logoroe.ch\/?p=4114","title":{"rendered":"Ach du Schreck!"},"content":{"rendered":"

\"\"Die heutige Logor\u00f6-Advents-D\u00f6delgeschichte ist nichts f\u00fcr Kinder mit schwachen Nerven. W\u00f6lfe werden auf Schafe gehetzt, Babys gequ\u00e4lt und Hochzeitsgesellschaften an der Nase herum gef\u00fchrt. Allen Mutigen viel Spass mit dieser schrecklichen Geschichte!<\/p>\n

<\/p>\n

Ach du Schreck!<\/strong><\/p>\n

Es isch emal d\u00e4 Herr Ichverschreckimmerallganzf\u00fcrchterlich gsi, d\u00e4 h\u00e4t es grosses Problem gha. Besser gseit n\u00f6d er h\u00e4t es Problem gha, sondern all L\u00fc\u00fct um ihn ume. Er h\u00e4t n\u00e4mlich immer all ganz f\u00fcrchterlich verschreckt.<\/p>\n

Am liebschte isch er i d’Bibliothek gange, wo d\u00e4 Herr Ichmuenimmeralliaschreie fr\u00fcehner gschaffet h\u00e4t. Er h\u00e4t sich a \u00f6pper agschliche, wo ganz konzentriert ines Buech vert\u00fc\u00fcft gsi isch und h\u00e4t pl\u00f6tzlich „ABARAHATSCHI!“<\/strong> gschroue oder s\u00fcscht en Bl\u00f6dsinn. L\u00e4ck Bobby, sind d’L\u00fc\u00fct amigs f\u00fcrchterlich verschrocke ab ihm!<\/p>\n

Au sehr gern isch er uf \u00e4 Schafweid gange, wo Dutzendi vo Sch\u00f6fli friedlich gweidet h\u00e4nd. Er h\u00e4t sie mit feinem Gr\u00fcenz\u00fcg aglocket und wenn all bi ihm gsi sind, h\u00e4t er uf’s’mal „WOLF! WOLF! WOLF!“<\/strong> gruefe. Uiuiui, sind d’Sch\u00f6fli abd\u00fcset!<\/p>\n

Grosse Spass h\u00e4t’s ihm au bereitet, wenn er \u00e4 Familie mit \u00e4mene Chinderwage gseh h\u00e4t. Vor allem, wenn s’Baby drinne am Schlafe gsi isch. D\u00e4nn isch er zu d\u00e4 Eltere ane, h\u00e4t in Chinderwage ine glueget und echli „J\u00f6, wie herzig, isch’s en Bueb oder es Maitli?“ gfr\u00f6get. D\u00e4nn h\u00e4t er pl\u00f6tzlich „DINI WINDLE ISCH VOLL, DU FURZKANONE!“<\/strong> in Chinderwage ine gschroue. Hui, da sind d’Eltere und s’Baby z\u00e4mezuckt!<\/p>\n

Mer cha sich’s vorstelle, d\u00e4 Herr Ichverschreckimmerallganzf\u00fcrchterlich isch n\u00f6d eso gern gseh gsi bi d\u00e4 andere L\u00fc\u00fct.<\/p>\n

Eines Tages h\u00e4t er uf d\u00e4 Strass \u00e4 eleganti Frau gseh vor sich laufe, wo irgendwie en recht komische Gang gha h\u00e4t. Sie isch mit jedem Schritt immer echli i d’Luft gh\u00fcpft und h\u00e4t au r\u00e4cht spezielli Gr\u00fcsch vo sich g\u00e4h.<\/p>\n

D\u00e4 Herr Ichverschreckimmerallganzf\u00fcrchterlich isch liislig a sie ane gschliche, h\u00e4t sie us em N\u00fc\u00fct use packt und „JA GR\u00dcEZI WOHL FRAU STIRNIMAA!“<\/strong> i ihri Ohre gschroue. Die Frau h\u00e4t zwar n\u00f6d Stirnimaa gheisse, verschrocke isch sie aber trotzdem f\u00fcrchterlich.<\/p>\n

Sofort sind die komische Gr\u00fcsch vo d\u00e4 Frau ew\u00e4g gsi und au i d’Luft isch sie n\u00fcme gh\u00fcpft. Sie h\u00e4t em Herr Ichverschreckimmerallganzf\u00fcrchterlich t\u00fc\u00fcf i d’Auge glueget und h\u00e4t ihm en Kuss uf d’Bagge geh.<\/p>\n

So \u00f6ppis h\u00e4t d\u00e4 Herr Ichverschreckimmerallganzf\u00fcrchterlich no nie erl\u00e4bt. Sie isch doch mega verschrocke, h\u00e4t er d\u00e4nkt, w\u00e4rum git sie mir d\u00e4nn dad\u00e4f\u00fcr en Kuss?<\/p>\n

„Gr\u00fcezi“, h\u00e4t d’Frau zu ihm gseit. „D\u00f6rf ich mich vorstelle? Ich bin d’Frau Hitzgi und han immer d\u00e4 Hitzgi. Jetzt, wo Sie mich vorher verschreckt h\u00e4nd, isch min Hitzgi zum erschte Mal siit vielne Jahre \u00e4weg! Danke vielmal!“<\/p>\n

Die beide sind gueti Fr\u00fcnde worde. Will d’Frau Hitzgi immer nach \u00f6ppe 30 Minute wieder d\u00e4 Hitzgi \u00fcbercho h\u00e4t, h\u00e4t sie d\u00e4 Herr Ichverschreckimmerallganzf\u00fcrchterlich all halb Stund wieder vo Neuem d\u00f6rfe verschrecke und sie h\u00e4nd beidi jedes Mal es riese Gaudi gha.<\/p>\n

Sie h\u00e4nd gh\u00fcrate (zum alli verschrecke, h\u00e4t d\u00e4 Herr Ichverschreckimmerallganzf\u00fcrchterlich zum Scherz „Nei“ gseit, wo d\u00e4 Pfarrer gfr\u00f6get h\u00e4t, \u00f6b er d’Frau Hitzgi well h\u00fcrate)\u00a0und sind \u00e4s L\u00e4be lang gl\u00fccklich gsi mitenand. Sie h\u00e4nd siebe Chind gha. S’erschte h\u00e4t Jessesgott gheisse, s’zweite Huch, s’dritte Hilfe, s’vierte Ohjemine, s’foifte Schreckschusspischtole, s’s\u00e4chste Geischterbahn und s’siebte Halloween.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/em><\/em><\/p>\n

Bisher erschienen:<\/em><\/em><\/em><\/em><\/p>\n