{"id":4083,"date":"2012-12-04T07:07:40","date_gmt":"2012-12-04T06:07:40","guid":{"rendered":"http:\/\/www.logoroe.ch\/?p=4083"},"modified":"2016-12-11T23:45:46","modified_gmt":"2016-12-11T22:45:46","slug":"sfuule-eichhornli-nummere-57","status":"publish","type":"post","link":"https:\/\/www.logoroe.ch\/?p=4083","title":{"rendered":"S’fuule Eichh\u00f6rnli Nummere 57"},"content":{"rendered":"

\"\"Die heutige Advents-D\u00f6delgeschichte erz\u00e4hlt von einem \u00e4usserst faulen Zeitgenossen, wie 1000 Schilder in einen Wald kommen und was man mit einer haarigen Raupe so alles anstellen kann. Viel Vergn\u00fcgen.<\/p>\n

<\/p>\n

S’fuule Eichh\u00f6rnli Nummere 57<\/strong><\/p>\n

Es h\u00e4t emal en Wald geh, i dem h\u00e4nd tuusig Eichh\u00f6rnli gwohnt. Jetzt h\u00e4t d\u00e4 Wald ganz genau au tuusig B\u00e4um gha und so h\u00e4ts i jedem Baum eis grosses Loch drin gha und i jedem Loch h\u00e4t eis Eichh\u00f6rnli gwohnt.<\/p>\n

D’Eichh\u00f6rnli vo dem Wald sind sich alli ununterbroche gegesiitig go bsueche. Mal isch s’einte zum andere, d\u00e4nn wieder s’andere zum einte und immer so wiiter.<\/p>\n

S’Problem isch eifach gsi, dass jede Baum i dem Eichh\u00f6rnli-Wald so ziemlich tupfgenau glich usgseh h\u00e4t wie alli 999 andere B\u00e4um. So isch es immer wieder mal passiert, dass d’Eichh\u00f6rnli uf em Heiweg z’erscht i \u00f6ppe foif anderi Wohnige ine sind, bevor sie die eigeni gfunde h\u00e4nd.<\/p>\n

Um dem abzhelfe, h\u00e4nd d’Eichh\u00f6rnli bschlosse, dass sie Schilder mit Zahle vo 1 bis 1000 unter allne Eichh\u00f6rnlis verteiled. Jedes Eichh\u00f6rnli h\u00e4t d\u00e4nn s’Schild mit sinere Zahl n\u00e4bed sin Wohnigsigang bim Baum anegnaglet und so h\u00e4nd sie all \u00e4 Huusnummere \u00fcbercho.<\/p>\n

S’Eichh\u00f6rnli wo d’Nummere 57 \u00fcbercho h\u00e4t, isch es sehr, sehr fuuls Eichh\u00f6rnli gsi. Es isch so fuul gsi, dass es am Morge chum vom Bett uf s’Sofa h\u00e4t m\u00f6ge gwaggle, wo’s d\u00e4nn d\u00e4 ganz Tag wiiter umegl\u00e4ge isch. Es isch so fuul gsi, dass es zum Z\u00e4hputze \u00e4 haarigi Raupe gsuecht h\u00e4t und die d\u00e4nn mit echli Zahpaschta druf dr\u00fc Minute lang \u00fcber d’Z\u00e4h flitze lah h\u00e4t. Es isch so fuul gsi, dass es d\u00e4 Tag uf em Wandkalender nie abgrisse h\u00e4t. Bim fuule Eichh\u00f6rnli isch eifach s’ganz Jahr immer d\u00e4 5. Auguscht gsi und eimal im Jahr h\u00e4t das ja sogar au immer wieder emal gstumme.<\/p>\n

S’Schild mit d\u00e4 Zahl 57 isch lang bim fuule Eichh\u00f6rnli i d\u00e4 Wohnig umeglege. Alli Fr\u00fcnde vo ihm h\u00e4nd immer wieder gseit, es s\u00f6ll’s doch endlich ufh\u00e4nke. Scho bald w\u00fcrded alli Eichh\u00f6rnli im Wald ihri Nummere ufgh\u00e4nkt ha und nume s’fuule Eichh\u00f6rnli hett d\u00e4nn no kei Zahl a d\u00e4 T\u00fcre.<\/p>\n

S’fuule Eichh\u00f6rnli h\u00e4t ufghorchet. Alli andere h\u00e4nd ihri Nummere ufgh\u00e4nkt? Nume es s\u00e4lber h\u00e4t \u00e4 kei Zahl a d\u00e4 T\u00fcre?<\/p>\n

Gl\u00fccklich h\u00e4t s’fuule Eichh\u00f6rnli s’Nummereschild unters Bett tschuutet. „Wenn alli \u00e4 Nummere a d\u00e4 T\u00fcre h\u00e4nd, d\u00e4nn wohn ich eifach im einzige Baum, wo kei Nummere dra h\u00e4t! So eifach isch das!“<\/p>\n

Und so isch es au gsi. S’fuule Eichh\u00f6rnli h\u00e4t – wie alli andere Eichh\u00f6rnli au – ab dem Tag immer sch\u00f6n heigfunde und niemert isch jemals us Versehe wieder bi \u00f6per anderem inetramplet.<\/p>\n

\"\"<\/p>\n

Der Logor\u00f6-D\u00f6delgeschichten-Adventskalender 2012<\/em><\/p>\n

Bisher erschienen:<\/em><\/p>\n