![\"\"](\"https:\/\/www.logoroe.ch\/wp-content\/uploads\/2008\/11\/3.jpg\")
Teil 3 unseres Adventskalenders mit D\u00f6delgeschichten zum Vorlesen an wehrlose Kleinkinder entf\u00fchrt uns in eine Welt, in der furchtbar viel geschrien wird. Denn in dieser Welt lebt Herr Ichmuenimmeralliaschreie und dessen Name ist f\u00fcr ihn Programm.<\/p>\n
<\/p>\n
\u00c4 riese Schreierei<\/strong><\/p>\n Es isch emal d\u00e4 Herr Ichmuenimmeralliaschreie gsi, d\u00e4 h\u00e4t es grosses Problem gha. Er h\u00e4t n\u00e4mlich – ohni dass er das h\u00e4t welle – immer alli m\u00fcesse aschreie. Wo er no es Baby gsi isch, h\u00e4t das no niemmert schlimm gfunde, will Babys sowieso die meischti Ziit schreied.<\/p>\n Wo er d\u00e4nn aber im Chindergarte d’Chinderg\u00e4rtnerin die ganz Ziit agschroue h\u00e4t („WO BITTE SIND D\u2019BAU-CHL\u00d6TZLI?“)<\/strong> und sp\u00f6ter i d\u00e4 Schuel au d’Lehrerin („WIE VIEL BITTE GIT SCHO WIEDER ZWEI UND ZWEI?“)<\/strong> isch es f\u00fcr ihn schwieriger worde.<\/p>\n Er h\u00e4t sich d\u00e4nkt, als Usglich zu sim Schreie suech er sich ganz \u00e4 ruhigi Stell und h\u00e4t agfange, i d\u00e4 \u00f6rtliche Bibliothek z’schaffe. \u00c4 Bibliothek isch en Ort, wo mer B\u00fcecher chan uslehne und mithei neh, mer chan sie aber au grad det\u00e4 scho l\u00e4se. F\u00fcr das w\u00e4nd d’L\u00fct nat\u00fcrlich, dass es ganz still isch und niemmert sie st\u00f6rt.<\/p>\n Was s\u00f6ll ich s\u00e4ge? Mit em Herr Ichmuenimmeralliaschreie isch es ziemlich schwierig worde i der\u00e4 Bibliothek. Wenn zum Bischpil es Chind ihn ganz liislig gfr\u00f6get h\u00e4t, wo d\u00e4nn d\u00e4 neuschti Band vom Chline Drache Kokosnuss seg, h\u00e4t er gschroue: „GRAD DET HINE BIM ZWEITE GSTELL RECHTS!!!“<\/strong> All L\u00fct i d\u00e4 Bibliothek sind grad z\u00e4mezuckt vor Schreck.<\/p>\n Sin Chef, d\u00e4 Herr Ichprobiersmitjedemundhansehrvielgeduld, d\u00e4 h\u00e4t’s mit ihm probiert und h\u00e4t sehr viel Geduld gha, irgendw\u00e4nn h\u00e4t aber au er sich gseit, dass es so n\u00f6d chan wiiter gah und er h\u00e4t d\u00e4 Herr Ichmuenimmeralliaschreie m\u00fcesse entlah.<\/p>\n D\u00e4 Herr Ichmuenimmeralliaschreie h\u00e4t em Herr Ichprobiersmitjedemundhansehrvielgeduld d’Hand geh und „DANKE VIEL MAL F\u00dcR IHRI GROSSI GEDULD MIT MIR!“<\/strong> gschroue. D\u00e4nn h\u00e4t er truurig d\u00e4 Heiweg atrete.<\/p>\n Bevor er aber dihei acho isch, h\u00e4t ihn \u00e4 Frau uf d\u00e4 andere Strassesiite beobachtet. Die Frau h\u00e4t gmerkt, dass d\u00e4 Herr Ichmuenimmeralliaschreie ganz fescht truurig gsi isch und sie isch zu ihm anegange.<\/p>\n „Gr\u00fcezi wohl. Ich bin d’Frau Ichweissf\u00fcrjed\u00e4d\u00e4richtigibruef. W\u00e4rum sind Sie d\u00e4nn so truurig?“<\/p>\n D\u00e4 Herr Ichmuenimmeralliaschreie h\u00e4t sich vorgstellt und ihre sis Problem vorgschroue.<\/p>\n „Und wo isch da s’Problem?“ h\u00e4t d’Frau Ichweissf\u00fcrjed\u00e4d\u00e4richtigibruef gmeint und h\u00e4t ihn a d\u00e4 Hand gnah.<\/p>\n Ei Wuche sp\u00f6ter h\u00e4t d\u00e4 Herr Ichmuenimmeralliaschreie scho a sinere neue Arbeitsstell gschaffet. Er isch jetzt Vorarbeiter ufenere Baustell gsi. Sin Chef isch sehr zfriede gsi mit ihm. Trotz em L\u00e4rm vo d\u00e4 Pr\u00e4sslufth\u00e4mmer, Bagger und d\u00e4 Laschtwage h\u00e4nd alli andere uf d\u00e4 Baustell immer superguet gh\u00f6rt, was ihne d\u00e4 Herr Ichmuenimmerallaschreie f\u00fcr Awiisige geh h\u00e4t.<\/p>\n D\u00e4 Herr Ichmuenimmeralliaschreie isch so gl\u00fccklich gsi, dass er d’Frau Ichweissf\u00fcrjed\u00e4d\u00e4richtigibruef grad gh\u00fcrate h\u00e4t. Sie sind s’L\u00e4be lang gl\u00fccklich gsi mitenand und h\u00e4nd siebe Chind gha. S’erschte h\u00e4t Schreihals gheisse, s’zweite Megaphon, s’dritte Lutsprecher, s’vierte Umechr\u00e4ii, s’foifte Pl\u00e4rribohne, s’sechste Zeterundmordio und s’siebte Heiser.<\/p>\n Der Logor\u00f6-D\u00f6delgeschichten-Adventskalender 2012<\/em><\/p>\n Bisher erschienen:<\/em><\/em><\/p>\n 01. D\u00e4 Herr Stinkfurz findet \u00e4 Fr\u00fcndin<\/em><\/a><\/em><\/p>\n![\"\"](\"https:\/\/www.logoroe.ch\/wp-content\/uploads\/2008\/08\/trennlinie.gif\")
<\/p>\n